Federata Shqiptare e Basketbollit, nëpërmjet postës së saj elektronike, ka shpërndarë një ftesë pjesëmarrjeje në një turne minibasketi në Selanik. Bëhet fjalë për një turne për moshat 7-11 vjeç, i cili do të zhvillohet në qytetin grek nga data 22, deri më 25 prill 2017.

Sipas ftesës, klubet, apo shoqatat të cilat do të pranojnë të marrin pjesë në këtë turne nuk do të kenë pagesë për pjesëmarrjen. E vetmja gjë që do të paguajnë janë shpenzimet e udhëtimit dhe të qëndrimit në Selanik. Federata Shqiptare e Basketbollit është treguar e gatshme për të ndihmuar këdo që do të kërkojë të marrë pjesë në këtë veprimtari, madje duke i ofruar dhe kontaktet e organizatorëve të turneut në Selanik.

Në fakt, të gjitha klubet apo shoqatat e basketbollit që kanë mosha të tilla më së shumti marrin pjesë në veprimtari të tilla, teksa më shumë i preferuar është vajtja në Austri. Sidoqoftë, tashmë është fakt, një turne minibasketi në Selanik është ofruar nga Federata Shqiptare e Basketbollit për të gjitha klubet dhe shoqatat anëtare të saj.