ASNN – Lushnja në volejboll për femra duket se e ka nxjerrë “jashtë loje” Vllazninë sa u përket pretendimeve për të qenë në 4 skuadrat e zonës së “play-off”-it final në luftën për titullin “kampion”.

Verdhejeshilet kanë fituar pastër 3-0, ndërsa kështu ndihen të qeta në “mesin e artë” të renditjes, teksa sezonin e ardhshëm duket se do të jenë një kundërshtar i vështirë për të gjithë.

Edhe tani Lushnja konsiderohet si pengesë që do shumë djersë për t’u kaluar. Duke mbetur tek ndeshja, Lushnja e ka pasur keq vetëm në setin e parë, të cilin e ka fituar në pikët e fundit 25-20.

Më pas ka shpërthyer në dy setet e tjera, 25-15 dhe 25-16, duke mos i dhënë asnjë mundësi reagimi Vllaznisë së Sadie Gogos. Për lushnjaret është dalluar Xhyliu e Allkanjari, ndërsa 3-pikëshi i ka forcuar pozicionin në renditje kësaj skuadre me tradita në volejbollin e vajzave.

Kampionati Kombëtar

i Volejbollit – Femra

Grupi A1

Java e 9-të

(18-19 shkurt 2017)

Të shtunën:

Teuta – Skënderbeu           3-0

Elbasani – Tirana                0-3

Barleti Volej – Partizani      3-1

Të dielën:

Lushnja – Vllaznia              3-0

Renditja

Nr.       Skuadra         N.        F.         H.        Setet               Pikë

1. Barleti Volej   9          9          0          27-4                26
2. Teuta              9          7          2          24-9                21
3. Partizani        9          6          3          21-12              19
4.        Tirana             9          5          4          19-13              16
5. Vllaznia         9          5          4          16-17              13
6. Lushnja         9          3          6          12-20                8
7. Skënderbeu  9          1          8            7-25                5
8. Elbasani        9          0          9            1-27                0