Noti shqiptar ka kryer veprimtarinë e parë ndërkombëtare për vitin 2017, ndërsa bëhet fjalë për veprimtarinë e përvitshme që zhvillohet në Hercegnovi të Malit të Zi. Është fjala për “Mimoza Cup”, atje ku është konkurruar për fëmijë, apo quajtur ndryshe Kategoria B (për djem datëlindja 2002 dhe për vajza datëlindja 2004), si dhe për të rritur në kategorinë e hapur.

Sigurisht që në këtë kategori, jo se kanë munguar emrat e sportistëve, madje ndër ata që kanë qenë dhe pjesë e kombëtares në Botërorin e fundit që u zhvillua në Kanada, por se ende e kanë të vështirë për t’u ngjitur në podium. Që do të thotë se medaljet në këtë kategori kanë qenë të pakta. Më së shumti është dalluar Deni Baholli, i cili ka thyer rekordin kombëtar në 200 metra bretkosë.

Një rekord të cilin e mbante po vetë dhe që e kishte regjistruar në Kanada në dhjetor të vitit të kaluar; nga 2’22”42 në 2’20”72. Po përtej këtij rekordi Deni Baholli në këtë garë ka zënë vendin e dytë duke merituar medaljen e argjendtë me kohën 2’20”72. Baholli ka marrë 627 pikë FINA (Federata Botërore e Notit). Po kështu ka marrë dhe medaljen e bronztë, ndërsa në 100 metra bretkosë është në vendin e tretë me 1’05”80.

Po për të rritur medalje bronzi ka marrë dhe Frenc Berdaku i Teutës në 400 metra stil i lirë, ndërsa me kohën 4’09”91 është në vendin e 3-të. Dhe kategorinë e të rriturve me medalje e ka mbyllur Binald Mahmuti i Tiranës që në 200 metra “flutur” ka zënë vendin e 3-të me kohën 2’14”57 duke merituar njëkohësisht medaljen e bronztë

Turneu Ndërkombëtar i Notit

“Mimoza Cup 2017”

(Hercegnovi – Mali i Zi)

Rezultatet më të mira të notarëve shqiptarë

Të rritur

400 m stil i lirë           Frenc Berdaku (Teuta)        i treti    4’09”91

200 m flutur               Binald Mahmuti (Tirana)     i treti    2’14”57

200 m bretkosë         Deni Baholli (Te Stela)       i dyti    2’20”72

100 m bretkosë         Deni Baholli (Te Stela)       i treti    1’05”80

Kategoria B – Djem

50 m bretkosë           Kledi Kadiu (Teuta)            i dyti    32”09

200 m flutur               Junus Fuga (Te Stela)        i treti    2’33”27

100 m e përzier         Kledi Kadiu (Teuta)             i pari   1’03”30

50 m delfin                Junus Fuga (Te Stela)        i treti    29”45

50 m stil i lirë             Kledi Kadiu (Teuta)             i pari   25”44

100 m flutur               Junus Fuga (Te Stela)        i dyti    1’05”14

100 m stil i lirë           Kledi Kadiu (Teuta)             i treti    55”38

Kategoria B – Vajza

50 m bretkosë           Sonia Kapedani (Te Stela) e treta 39”63

200 m e përzier         Sonia Kapedani (Te Stela) e treta 2’40”48

200 m bretkosë         Sonia Kapedani (Te Stela) e dyta 2’59”70