Pjesëmarrja në Lojërat Olimpike Evropiane Rinore të dimrit në Erzurum të Turqisë jo vetëm që ka rezultuar një veprimtari “bosh” për sportin shqiptar, por për më tepër ka rezultuar një veprimtari që ka çuar dëm paratë e shpenzuara. Më së shumti janë para të taksapaguesve shqiptar që, në kushtet kur ne ende nuk kemi cilësi në sportin e skive, një sport i prapambetur dhe pa asnjë pikë zhvillimi në vendin tonë, kështu rezultoi në përfundim të asamblesë zgjedhore më 11 janar 2017, nuk duhet të ishin shpenzuar për një veprimta, i cili dihej që s’do të kishte rezultate pozitive.

Mirëpo në kushtet e detyrimit ndaj Komitetit Olimpik Ndërkombëtar dhe atij Evropian, Shqipëria si anëtare, nëpërmjet Komitetit Olimpik Kombëtar Shqiptar, ka qenë e detyruar të marrë pjesë në këto Lojëra. Ndonëse fati i pjesëmarrjes dihej që ende pa u nisur, ndërsa si rrallëherë një delegacion olimpik është përcjellë pa shumë zhurmë, larg syve të medieve së shkruar dhe vizive.

Sepse vajtja nuk justifikonte asgjë. Dhe në fakt kështu ka ndodhur. Dy skiatorët e vetëm shqiptar, pasi kanë qenë të skualifikuar në sllallomin gjigant një ditë më parë, madje sipas KOKSH, Hajredini është rrëzuar, dje nuk e kanë nisur garën fare në disiplinën e sllallomit. Bëhet fjalë për Lavdërim Hajredinin dhe Mathieu Kacon, kurse kështu duket se gjithçka ka rezultuar një tjetër mundësi pushimi për të gjithë ata që shoqëruan këta sportistë nën emrin e delegacionit shqiptar.

Shkurt, pjesëmarrja në Erzurum, sikurse ndodh në një shumicë aktivitetesh ndërkombëtare të sportit, ka rezultuar “bosh” dhe asnjë vlerë e dhënë nga sporti i skive. Edhe pse në vende të caktuara shquhemi të kemi traditë për të…