ASNN – Partizani, kryesuesi i Kategorisë së Parë të Kampionatit Kombëtar të Basketbollit për Meshkuj, ka arritur një fitore më shumë se të lehtë dje në Pallatin e Sportit “Tamara Nikolla” të Korçës. Fitore, e cila nuk është vënë asnjëherë në dyshim nga ana e miqve të drejtuar nga trajnerët Agim Fagu e Elvis Ismeti.
Madje në momentet e para, vetëm pas tre minutash loje, duhet thënë se rezultati ishte 0-2, teksa të dy skuadrat u dukën se nuk ishin nxehur mirë. E ekuilibruar ka qenë deri diku ky 10-minutësh, teksa mbyllet 17-19 në favor të miqve. Pjesa e dytë ka bërë edhe diferencën e madhe në pikë nga ana e Partizanit.
Të kuqtë janë të saktë nga gjuajtjet për tre pikë, teksa Skënderbeu vuan shumë dhe nuk arrin të shënojë më shumë se 8 pikë në 10 minuta lojë, kundrejt 21 pikëve të miqve. Pas gjysmës së parë, tabela elektronike shënon 25-40, duke bërë që dy pjesët e fundit të ishin thjesht një formalitet.
Edhe në pjesën e 3-të, Partizani fiton 18-25, ndërkohë që në pjesën e fundit miqtë lëshojnë duke aktivizuar lojtarët e stolit. Skënderbeu e fiton 20-18, por pa problem, për të kuqtë që kanë fituar 83-63. Me këtë fitore të kuqtë vazhdojnë serinë pozitive të fitoreve me 10 fitore radhazi.
Kurse Skënderbeu vijon të mbyllë renditjen e Kategorisë së Parë, me vetëm një fitore në 11 ndeshje të luajtura.
Skënderbeu – Partizani 63-83
(17-19, 8-21, 18-25, 20-18)
Skënderbeu: Thanas, O. Simaku, Habip, Topi, Duci / Qazimllari, Terolli, Bello, Gërmenji, S. Simaku. Trajner: I. Nika
Partizani: Qilimi, Gozhdari, Pylla, Pregja, Dervishi / Ikonomi, Bardhi, Kristo, Babasuli, Selimaj, Jareci. Trajner: A. Fagu / E. Ismeti
Gjyqtarë: A. Bejko, F. Malevi (Tiranë)
Kampionati Kombëtar
i Basketbollit – Meshkuj
Kategoria e Parë
Java e 12-të
(11 shkurt 2017)
Tirana Eagles Basket – Apolonia 76-54
Skënderbeu – Partizani 63-83
Elbasani pushim
Renditja
Nr. Skuadra N. F. H. Psh-Pp Pikë
- Partizani 10 10 0 774-486 20
- Tirana Eagles Basket 9 6 3 585-523 15
- Apolonia 10 4 6 583-724 14
- Elbasani 9 3 6 546-661 12
- Skënderbeu 10 1 9 615-719 11
