ASNN – Flamurtari, në basketboll për femra, ka fituar pa më të voglin problem dje në Korçë ndaj vendaseve në ndeshjen e javës së 11-të. Në këtë fitore të vlonjateve ajo që duhet të përmendet është fitorja me 48 pikë e kampioneve në fuqi të basketbollit të femrave.

Për Skënderbeun vlen të theksohet se nuk është aktivizuar Llazar, e dëmtuar, dhe kjo mungesë ka bërë që korçaret të ishin edhe më të pafuqishme. Sigurisht që, nga ana tjetër, trajneri Viron Toska i vlonjateve preferoi të aktivizonte një grup vajzash të reja duke ulur herë pas herë në stol dhe në shumicën e minutave titullare.

Që në pjesën e parë të takimit, diferencat në fushë u shfaqën hapur, teksa pas 10 minutash, rezultati do të ishte 14-23. Pjesa e dytë ka pasur edhe diferencën më të madhe të pikëve, ku Flamurtari është i saktë dhe e fiton edhe këtë fraksion loje, 7-22, e në pushim ka kryesuar 21-45.

Skënderbeu me vajza të reja në parket dorëzohet totalisht dhe Flamurtari vetëm sa thellon diferencën e pikëve në minutat në vazhdim, ku pas 30 minutash rezultati do të ishte në 30-67. Pjesa e katërt dhe e fundit ka të njëjtën pamje si të tjerat dhe në përfundim gjithçka mbyllet 42-90 në favor të Flamurtarit duke shënuar një fitore të thellë me 48 pikë diferencë.

Skënderbeu – Flamurtari    42-90

(14-23, 7-22, 9-22, 12-23)

Skënderbeu: Pëllumbi, Haris, Toska, Shallo, Gjika / Llazar, Jahollari, Aliu, Hysenllari, Loci. Trajnere: N. Gjika

Flamurtari: Myrto, Zykaj, Palko, Hysaj, Çorto / Rrapaj, Bleta, Hasanaj, Lloi, Plasa, Kostallari, Marjanoviç. Trajner: V. Toska

Gjyqtarë: A. Bejko, F. Malevi (Tiranë)

Kampionati Kombëtar

i Basketbollit – Femra

Kategoria e Parë

Java e 11-të

(8-11 shkurt 2017)

Të mërkurën:

Kamza Basket – Tirana                   40-87

Të shtunën:

Goga Basket – Vllaznia                  101-72

Skënderbeu – Flamurtari                 42-90

Elbasani – Apolonia                                      92-63

Studenti                                             pushim

Renditja

Nr.       Skuadra                     N.        F.         H.        Psh-Pp           Pikë

1. Tirana                         10        10          0        714-612         20
2. Goga Basket             10          9          1        876-566         19
3. Flamurtari                  10          8          2        784-631         18
4. Vllaznia                     10          5          5        670-645         15
5. Studenti                       9          5          4        584-557         14
6. Elbasani                    10          3          7        720-756         13
7. Skënderbeu                9          3          6        564-638         12
8. Apolonia                    10          1          9        585-838         11
9. Kamza Basket          10          0        10        504-852         10