Studenti ka marrë një fitore sakrifice ndaj Vllaznisë dje në mbrëmje në Sallën Nr. 2 të Pallatit të Sportit “Asllan Rusi”, ndërsa është i falur setit të 5-të, të quajtur ndryshe final, për të triumfuar në një sfidë që sikur nuk do të mbaronte kurrë. Sepse as Studenti e as Vllaznia, të paktën në setin e pestë, nuk kishin ndërmend të dorëzoheshin dhe të pranonin humbjen. E jo më kot gjithçka është zgjidhur në pikët shtesë të setit të 5-të, edhe sepse skuadrat gjatë gjithë ndeshjes kanë gabuar shumë.

Herë me gjuajtjet e shërbimet e tyre jashtë, por herë dhe me prekje të rrjetës, apo të bandës e faulla të tjerë që gjyqtari ndërkombëtar Arjan Shehu, së bashku me ndihmësin e tij Enri Zenullari nuk i ka falur. E jo më kot vendimet e të dy gjyqtarëve janë kontestuar nga të dy skuadrat, herë nga trajnerët, në plan të parë trajneri i Studentit, Sako, dhe herë nga lojtarët. Aq sa Shehu për të shuar këto protesta ka nxjerrë dhe kartonin e verdhë për Rrashketën.

Ajo që vlen të theksohet, e vënë në dukje dhe nga specialistët, teksa ishin të pranishëm skuadra e Partizanit me në krye trajnerin Ylli Tomorri dhe ndihmësin e tij, Elton Tukseferin, por edhe trajneri i Barletit Volej, Hasan Gurabardhi, trajneri i kombëtares së femrave, Altin Martiri, dhe ish-trajneri i Studentit në volejboll për femra, Arjan Farka, është se Vllaznia ka vuajtur cilësinë e pasimit dhe mungesën e lojës në vazhdimësi me serbin Xhorxheviç, që ishte dhe lojtari më i mirë i ndeshjes.

E megjithatë ndeshja e djeshme, mes kundërshtarësh të denjë për njëri-tjetrin, ka qenë gjynah që është luajtur në Sallën Nr. 2 të Pallatit të Sportit “Asllan Rusi”, kur fare mirë mund të ishte në atë kryesore për më shumë vëmendje

Kampionati Kombëtar

i Volejbollit – Meshkuj

Java e 11-të

(10-11 shkurt 2017)

Të premten:

Studenti – Vllaznia                          3-2

Të shtunën:

Partizani – Skënderbeu                  ora 14:00

Teuta – Erzeni                                  ora 19:00

Farka Volej – Tirana                        ora 19:00

Renditja

Nr.       Skuadra         N.        F.         H.        Setet               Pikë

1. Partizani          9        9          0          27-2                27
2. Farka Volej      9        7          2          23-9                21
3. Studenti         10        7          3          21-16              19
4. Vllaznia           9        5          4          20-14              17
5. Tirana               9        5          4          18-14              15
6. Erzeni                          9        4          5          18-17              13
7. Skënderbeu    9        2          7            6-23                6
8. Elbasani          9        1          8            7-26                3
9. Teuta                9        1          8            6-26                2