ASNN – Skënderbeu në volejboll për meshkuj e ka nisur ashtu siç pritej këtë vit të ri, me një humbje të pastër 0-3 në shtëpi përballë Studentit. Miqtë nga kryeqyteti e kanë arritur këtë fitore te djeshme, në Pallatin e Sportit “Tamara Nikolla” të Korçës, pa më të voglin problem, teksa e kanë çuar krejt takimin në jo më shumë se 60 minuta. Skënderbeu, me vetëm dy lojtarë në stol, ka luajtur disi në setin e parë dhe të dytë, por asnjëherë nuk ka arritur të kalojë në epërsi në këto sete.

Seti i parë i ndeshjes fillon menjëherë mirë për Studentin, që kryeson 2-6 dhe 6-10, por që hera-herës Skënderbeu bën të afrohet, por pa mundur që të rivalizojë. Sidomos në pikët e fundit. 16-20 dhe 19-23, janë disa nga shifrat në tabelën elektronike në momentet e fundit dhe miqtë arrijnë të fitojnë 20-25. Seti i dytë është edhe më i dobëti për Skënderbeun, që në fund nuk arrin të shënojë më shumë se 13 pikë dhe tregon që nuk ka forcën e duhur.

Studenti nuk fal as në setin e tretë, madje toleron disi në pikë, pasi rezultati barazohet disa herë 4-4, apo edhe 10-10. Ndërkohë që më pas është radha e djemve të trajnerit Arben Sako, të cilët kryesojnë me një ose me dy pikë deri në momentin e fundit. 23-25 mbyllet edhe seti i tretë dhe përfundimisht kjo ndeshje shënon rezultatin final 0-3 për miqtë nga kryeqyteti.

Skënderbeu – Studenti       0-3

(20-25, 13-25, 23-25)

Skënderbeu: Ndardhari, Haxhillari, Pira, Musaka, Toska, Caci, Shishi (L) / Shëllira, Dhimitri.Trajner: A. Prifti

Studenti: Kupi, Lundra, Pepaj, Xhabrahimi, Rama, Baruti, Bërdufi (L) / Sejati, Muça, Kula, Çullhaj.Trajner: A. Sako

Gjyqtarë: E. Zguri, Ç. Kojku (Tiranë)

Kampionati Kombëtar

i Volejbollit – Meshkuj

Java e 10-të

(4 shkurt 2017)

Të shtunën:

Erzeni – Elbasani                            2-3

Skënderbeu – Studenti                  0-3

Tirana – Partizani                            0-3

Teuta – Farka Volej                         0-3

Vllaznia                                             pushim

Renditja

Nr.       Skuadra         N.        F.         H.        Setet               Pikë

1. Partizani        9          9          0          27-2                27
2. Farka Volej    9          7          2          23-9                21
3. Studenti         9          6          3          18-14              17
4. Vllaznia         8          5          3          18-11              16
5. Tirana             9          5          4          18-14              15
6. Erzeni                        9          4          5          18-17              13
7. Skënderbeu  9          2          7            6-23                6
8. Elbasani        9          1          8            7-26                3
9. Teuta              9          1          8            6-26                2