Tirana në basketboll për femra ka shënuar fitoren e 9-të radhazi, por përsëri e ka “bërë baltë” me tavolinë. E megjithatë nga e gjithë kjo situatë nuk ishte se u var fati i ndeshjes, sepse Tirana e ka dominuar nga fillimi deri në fund këtë ndeshje. Për t’u evidentuar është Popoviç, e cila ka realizuar 23 pikë, shoqëruar kjo dhe me 5 trepikësha.

Por edhe Eliverta Bujari, e cila në 14 pikë të shënuara, kishte dy 3-pikësha. E po kështu Hoxhaj, Përmeti e lojtaret e tjera të Tiranës. Në aspektin teknik e taktik, në mungesë të një qendre të mirëfilltë, Avrami është munduar ta zgjidhë me Gera Bujarin të vendosur poshtë koshit të kundërshtarit. Sigurisht dje e pati të lehtë të zotëronte një shumicë topash në tabelë.

Por, sesa do të jetë funksional si variant, teksa Gjoni e Aliaj dje kanë qenë në stol dhe nuk janë aktivizuar, duhet parë në përballjet direkte me Flamurtarin e Goga Basket. Ndërkohë tek Vllaznia është dalluar Berrania. 21-10 ka qenë pjesa e parë për Tiranën, 19-15 e dyta për bardheblutë dhe në pushim 40-25 për kryesueset e kampionatit të femrave.

E treta 20-16 dhe e katërta 13-12 dhe, në përfundim, një fitore me një diferencë prej 20 pikësh për Tiranën ndaj Vllaznia, 73-53 dhe njëkohësisht suksesi i 9-të radhazi për vajzat bardheblu. Për shkak të protestave gjyqtarët Koçi e Kasemi kanë ndëshkuar me gabime teknike Ingrid Dashjen e Vllaznisë dhe Gera Bujarin e Tiranës. E, megjithatë, vajzat bardheblutë kanë fituar.

Tirana – Vllaznia                   73-53

(21-10, 19-15, 20-16, 13-12)

Tirana: Përmeti (11), Jankoviç, E. Bujari (14), G. Bujari (11), Popoviç (25) / Hoxhaj (6), Jaçe (2), Dishnica (4). Trajner: R. Avrami

Vllaznia: I. Dashja (11), Mustafa (4), Basha (10), A. Dashja (7), Berrania (21) / Mlika. Trajner: R. Rashja

Gjyqtarë: E. Koçi (Tiranë), M. Kasëmi (Vlorë)

Kampionati Kombëtar

i Basketbollit – Femra

Java e 10-të

(3-4 shkurt 2017)

Të premten:

Studenti – Kamza Basket               70-50

Të shtunën:

Tirana – Vllaznia                              73-53

Flamurtari – Elbasani                      86-68

Apolonia – Goga Basket                 37-107

Skënderbeu                                      pushim

Renditja

Nr.       Skuadra                     N.        F.         H.        Psh-Pp           Pikë

1. Tirana                         9          9          0          674-525         18
2. Goga Basket             9          8          1          775-494         17
3. Flamurtari                  9          7          2          694-589         16
4. Vllaznia                     9          5          4          598-544         14
5. Studenti                     9          5          4          584-557         14
6. Skënderbeu              8          3          5          522-548         11
7. Elbasani                    9          2          7          628-693         11
8. Apolonia                    9          1          8          522-746         10
9. Kamza Basket          9          0          9          464-765           9