Kampionati Kombëtar Individual Dimëror dhe Krosi Kombëtar janë dy veprimtaritë e para të vitit 2017 për atletikën shqiptare. Kështu ka lajmëruar Federata Shqiptare e Atletikës përmes Sekretarit të Përgjithshëm, Nikolin Dionisi.

Kampionati Kombëtar Individual Dimëror, që është me të njëjtin program që zhvillohet Ballkaniada dhe Evropiani i Sallave të Mbyllura, do të zhvillohet, si gjithnjë në Stadiumin “Elbasan Arena”, më 8 shkurt 2017.

Risia është se, këtë herë, edhe hedhjet, bëhet fjalë për gjylen, sepse çekiç, shtizë e disk nuk ka, do të zhvillohen në po në mjediset e Stadiumit “Elbasan Arena”, ndërsa më parë është zhvilluar në këndin e hedhjeve në kryeqytet.

Federata Shqiptare e Atletikës ka lajmëruar të gjitha klubet anëtare të saj se në fund të Kampionatit Kombëtar do të bëhet dhe mbledhja teknike, e cila do të përcaktojë kandidatët për Kampionatin Ballkanik të Sallave të Mbyllura.

Ai do zhvillohet në kryeqytetin e Serbisë, Beograd, më 25 shkurt 2017. E më pas miratimi i tyre do të bëhet nga Komiteti Drejtues, ndërsa është lajmëruar se do të jetë një numër i reduktuar pjesëmarrësish.

Kjo sepse të gjitha shpenzimet do të mbulohen nga Federata Shqiptare e Atletikës. Sakaq më 12 shkurt, tashmë pranë shkollës jo publike “Uillson” tek Kodrat e Liqenit në kryeqytet, do të zhvillohet dhe krosi kombëtar.

Këto janë dy veprimtaritë e para kombëtare, që do të ndiqen, më pas, një mori veprimtarish ndërkombëtare dhe atletika shqiptare duket se e ka nisur fort vitin 2017.

Kampionati Kombëtar Individual Dimëror i Atletikës

Programi i garave:

Meshkuj

Kërcim trehapësh                            ora 11:00

Hedhje gjyle                                      ora 11:00

60 metra me pengesa                     ora 11:10

60 metra                                             ora 11:20

Kërcim së gjati                                  ora 11:40

400 metra                                          ora 11:40

800 metra                                          ora 12:00

Kërcim së larti                                   ora 12:30

3000 metra                                        ora 12:30

1500 metra                                        ora 13:00

Femra

60 metra me pengesa                     ora 11:00

Kërcim trehapësh                            ora 11:00

Hedhje gjyle                                      ora 11:00

60 metra                                             ora 11:30

800 metra                                          ora 11:50

400 metra                                          ora 12:15

Kërcim së gjati                                  ora 12:45

3000 metra                                        ora 12:45

1500 metra                                        ora 13:15

Kërcim së larti                                   ora 13:20

Krosi Kombëtar në Atletikë

Programi i garave:

4 kilometra (të reja)                        ora 12:00

6 kilometra (të rinj)                         ora 12:30

8 kilometra (të rritura)                    ora 13:00

10 kilometra (të rritur)                      ora 13:30