Prezantohet Kampionati i 9-të Botëror i Fluturimeve të Lira me Precizion, që do të zhvillohet në Vlorë nga data 5, deri më 14 maj 2017. Sekretari i Përgjithshëm i Federatës Shqiptare të Aeroanutikës, Arion Vreto, në prezantimin e Botërorit ka kërkuar që ky eveniment duhet ta kthejë Shqipërinë në qendër të vëmendjes së Ballkanit dhe botës se arrin të organizojë veprimtari të tilla.
Madje sipas tij është bërë një lobim i fortë, ndërsa presidenti Tërshana do të deklaronte se ka qenë një lobim prej 4-5 vjetësh. “Është përgjegjësi e madhe dhe gjithçka ka ardhur nga “Albanian Open” që ne bëjmë në Llogara”, – ka thënë ai. Ndërkohë Islami duke bërë një historik të veprimtarisë, ka treguar “Albania Open” ka nisur më 1999, kur patën bërë dy etapa në Korçë dhe Llogara.
Dhe në fakt nuk ka qenë e lehtë për këtë Botëror, sepse në momentin e fundit përveç Kinës hyri dhe Gjermania. Mbështetja e Ballkanit ka qenë e madhe, ndaj është përgjegjësi e madhe për të bërë këtë aktivitet”. Vlerësimet dhe mbështetja për Botërorin kanë ardhur nga Ministret Milva Ikonomi dhe Mirela Kumbaro, Drejtori i Sporteve Vladimin Gjonaj, Kryetari i Bashkisë së Tiranës, Erion Veliaj, që ka premtuar rikthimin e Dajtit në një pikë fluturimi, si dhe presidenti i Komitetit Olimpik Kombëtar Shqiptar, Viron Bezhani.
