Ashtu si “The Roses”, tashmë tek grupi A i të rinjve me 4 fitore radhazi është Tirana, që dje në Sallën Sportive “Fahrie Hoti” ka mundur Kamza Basket. Vlen të theksohet rikthimi tek suksesi i Teutës, që në Durrës ka mundur Elbasanin, Partizanit që ka fituar me Marsi Basket dhe Skënderbeu, i cili ka fituar ndaj Olimpik Basket.

E një tjetër ekip me 4 fitore radhazi tek të rinjtë grupi B është Superior Klima. Dje skuadra e trajneres Ledina Koçi ka fituar 90-41 me Apoloninë (20-9, 30-8, 19-10, 21-14). E shpërndarja e pikëve të shënuara për këtë ekip ishte: Osmani 31 pikë, Berati 15 pikë, Muho 11 pikë, Syku 8 pikë, Ahmetaj 8 pikë, Balliu 6 pikë, Kurupaj 5 pikë, Osmanaj 4 pikë, Gjonaj 2 pikë.

Kanë luajtur dhe Hoxhalli dhe Çamishi. Ajo që vlen të theksohet është se në harkun e dy viteve, janar 2015-2017, Superiori në 36 ndeshje ka 34 fitore. Humbja e fundit është më 13 mars 2016, Apolonia-Superiori 68-67. E duke llogaritur dhe “play-off”-in e vitit të kaluar, kur kjo skuadër u shpall kampione e Shqipërisë për Nën-18-vjeçarët, janë 14 fitore radhazi.

Sakaq në këtë grup, Ardhmëria ka triumfuar ndaj Real Basket, Invaders ndaj Flamurtari. Dhe fitorja më e thellë e javës, me plot 91 pikë diferencë, ishte e Vllaznisë ndaj Galaktikëve. Kështu kampionati i moshave ndodhet nën kryesimin e “The Roses”, Tiranës e Superior Klimës.

Kampionatit Kombëtar

i Basketbollit – Të Rinj

Grupi A

Java e 5-të

(29 janar 2017)

Teuta – Elbasani                              72-52

Olimpika Basket – Skënderbeu     37-67

Tirana – Kamza Basket                   72-60

Marsi Basket – Partizani                 33-48

Renditja

Nr.       Skuadra                     N.        F.         H.        Psh-Pp           Pikë

1. Tirana                         4          4          0          337-157         8
2. Kamza Basket          4          3          1          328-197         7
3. Teuta                          4          3          1          288-213         7
4. Elbasani                    4          2          2          221-216         6
5. Partizani                    4          2          2          176-244         6
6. Skënderbeu              4          1          3          199-268         5
7. Marsi Basket             4          1          3          154-238         5
8. Olimpik Basket         4          0          4          158-328         4

Grupi B

Java e 5-të

(29 janar 2017)

Ardhmëria Basket – Real Basket    70-50

Superior Klima – Apolonia               90-41

Flamurtari – Invaders                        22-41

Vllaznia – Galaktikët                       116-25

Renditja

Nr.       Skuadra                     N.        F.         H.        Psh-Pp           Pikë

1. Superior Klima         4          4          0          301-185         8
2. Vllaznia                     4          3          1          354-142         7
3. Ardhmëria Basket    4          3          1          274-192         7
4. Invaders                     4          3          1          204-202         7
5. Apolonia                    4          2          2          205-274         6
6. Real Basket              4          1          3          226-254         5
7. Flamurtari                  4          0          4          136-282         4
8. Galaktikët                  4          0          4          122-299         4