ASNN – Ndërkohë, Vllaznia është mundur 1-0 nga Besëlidhja në Lezhë në miqësoren e zhvilluar pikërisht në këtë qytet. Një ndeshje që vlen ashtu si të tjerat për të parë gjendjen e skuadrës, por shkodranët janë në një kaos nga i cili pak po kuptohet se çfarë ndodh. Gjërat që na kërkon trajneri ne mundohemi t’i bëjmë maksimalisht, ndërsa për të tjera nuk kam asnjë informacion”, – tha kapiteni i Vllaznisë, Ndriçim Shtubina.

“Vllaznia ka nevojë edhe për 11 lojtarë, nëse do të afroheshin cilësorë”, – shtoi ai. Kësisoj, Shtubina është i ndërgjegjshëm që kjo Vllazni ka nevojë për t’u përmirësuar. Dhe, për të, po të mos kishte gabuar në momentet vendimtare të sezonit, tashmë do të kishte qenë më lart në klasifikim duke synuar objektiva shumë më të rëndësishëm se mesi i tabelës.

“Ne kishim mundësi të ishim më lart, të ngacmonim edhe Tiranën, por kemi gabuar në momentet tona më të mira”, – ka thënë ai pas ndeshjes me lezhjanët. – Sidoqoftë, kështu është futbolli, forca jonë është për më shumë, por duhet t’i pranojmë gjërat kështu siç janë.” Shkodranët janë kritikuar se nuk kanë bërë ndërhyrje në merkato gjatë janarit për t’u përforcuar.

Dhe Shtubina është i ndërgjegjshëm se ekipi do të kishte mundësinë të përfaqësohej më mirë nëse do tët bëhej një ndërhyrje rrënjësore gjatë kësaj dritareje, ku kuqeblutë kanë qëndruar vendnumëro. “Vllaznia ka nevojë edhe për 11 lojtarë në qoftë se janë të mirë, çdo gjë është e mirëpritur në Shkodër”, – përfundoi ai.