ASNN – Sikundër ishte bërë e ditur nga klubi i kuq, Xhevahir Sukaj doli të enjten në stërvitje me Partizanin.

Klubi kryeqytetas nuk e ka zyrtarizuar ende afrimin e tij, por gjithmonë është thënë se ai do të veshë fanellën e të kuqve në pjesën e dytë të kampionatit.

Sulmuesi i cili pjesën e parë të sezonit luajti në Malajzi, është stërvitur i diferencuar, pasi është duke u riaftësuar nga një dëmtim.

Xhevahir Sukaj ishte pjesë e Partizanit sezonin e kaluar ku shënoi 21 gola në kampionat.

Përveç tij, të kuqtë prezantuan të mërkurën edhe sulmuesin Methju Bonifejs, duke shtuar alternativat në këtë repart.

Nigeriani zhvilloi edhe seancën e parë. Partizani mbylli përgatitjet në Pezë-Helmës dhe do t’i vijojë në Antalia prej së premtes.

Në kampin stërvitor në Turqi janë lajmëruar edhe dy miqësore me vendasit e Fenerbahçes dhe dhe ekipin nga Azerbajxhani, Kabala