ASNN – Sipas asaj që raportojnë mediat në Kosovë, Klubi i Basketbollit,SIGAL Prishtina, ka bërë të ditur se ka arritur një marrëveshje me lojtari amerikan, Grent Xhonson, i cili luan në pozitat 2 dhe 3.
Basketbollisti amerikan, i lartë 1 m e 96 cm, ishte sezonin e kaluar pjesë e ekipit Navezis në Lituani, me të cilin kishte mesatare prej 10.1 pikëve dhe 3.3 topave të zotëruar në tabelë për ndeshje gjatë pjesëmarrjes në në Ligën Balltike.
Sipas mediave të Prishtinës, lojtari në fjalë njihet si lojtar mjaft shpërthyes dhe pritet t’i japë shumë energji lojës së klubit me më shumë trofe në Kosovë, por që këtë sezon është paraqitur nën pritshmëritë.
“Grant, welcome to the home of champions!!!” (Grent, mirësevjen në shtëpinë e kampionëve), ka përfunduar njoftimi i shkurtër i SIGAL Prishtinës, duke kumtuar nënshkrimin me amerikanin.
