ASNN – Sopoti ka pritur dje në “Nexhip Trungu” ka pritur Pogradecin në sfidën e radhës, e cila ka pasur të njëjtin fat si ndeshjet e fundit të librazhdasve. Thuhet kështu, sepse përsëri ka përfunduar në barazim, por këtë herë 1-1. Ndeshja nuk ka filluar në kohën e përcaktuar, pasi në stadium nuk kanë qenë të pranishme forcat policore. Dhe për këtë arsye ndeshja filloi rreth 30 minuta me vonesë.
Nuk dihen arsyet e kësaj vonese, sepse në atë stadium librazhdasit kanë zhvilluar edhe ndeshje të tjera dhe janë marrë përsipër nga policia për mbarëvajtjen e ndeshjes. Sopoti në këtë ndeshje kërkonte të zhbllokohej nga barazimet dhe hidhet në sulm që në fillim të ndeshjes. Në fraksionin e parë u zhvillua një lojë e barabartë dhe mjaft e kujdesshme nga të dyja ekipet.
Ata edhe pse patën raste nuk arritën t’i finalizonin si duhet dhe në përfundim 0-0. Edhe pjesa e dytë nisi me të njëjtin ritëm. Ishin vendësit që sulmonin, por hapësirat për sulmin ishin shumë të pakta dhe mbylleshin shumë shpejt. Megjithatë në minutën e 60-të, Cake godet fluturimthi nga rreth 30 metra dhe topi ndalet në rrjetën e portës pogradecare, 1-0 për Sopotin.
Pas golit të vendësve, liqenorët janë kundërpërgjigjur dhe në të 72-n minutë, Laçka ka shënuar golin e barazimit. Sopoti tentoi në disa forma, por nuk arriti të shënonte dhe përsëri barazim 1-1, që është i katërti radhazi për librazhdasit.
Sopoti – Pogradeci 1-1
Shënues: Cake 60’ / Laçka 72’
Sopoti: Koçi, Kullolli, Bello, Ballkoçi, Kelmendi, Dhima (Hajdari 71’), Lezi, Cake, Kastrati (Muçmata 82’), Iljazi (Polisi 46’). Trajner: G. Stojku
Pogradeci: Miraka, Pura, Bufasi, Hysenllari, Çela (Rapo 78’), Çerepi, Zguro, Pere, Kllogjeri (Alillari 65’), Pengu (Topllari 74’), Laçka. Trajner: A. Abazaj
Gjyqtarë: B. Pashaj, A. Shkreta, E. Shehu (Tiranë)
Kartonë të verdhë: Cake / Çerepi, Topllari
