ASNN – Shtërmeni në peshëngritje e ka mbyllur në mënyrë të suksesshme vitin 2016, ndërsa është renditur në vende nderi.
Madje në kampionatin e të rriturve në peshëngritje, që është zhvilluar më 19 dhjetor në Durrës, Shtërmeni, edhe pse pati 3 shtangistë të dëmtuar, përsëri është renditur në vende nderi.
Duke u pozicionuar në vendin e tretë, ata kanë lënë pas ekipe si Vllaznia, Partizani, Dinamo, Flamurtari, Skënderbeu, Apolonia, Elbasani, Peqini etj.
Trajneri Leonard Toska ka falënderuar sportistët për forcën dhe karakterin që treguan në këtë garë.
Gjithashtu Toska ka përmendur dhe Bashkinë e Cërrikut si financuesja kryesore e kësaj skuadre.
