ASNN – Federata Shqiptare e Notit ka festuar 85-vjetorin e themelimit të saj. Figura të njohura të këtij sporti kanë marrë një çertifikatë mirënjohje për kontributin në zhvillimin e tij. Ndërsa drejtori i sporteve në Ministrinë e Arsimit dhe Sportit, Vladimir Gjonaj, ka premtuar se ministria do të ndërtojë shumë shpejt një pishinë olimpike 50-metërshe. Noti shqiptar mbushi kështu 85 vjeç!

Të gjithë ata që kanë bërë historinë e këtij sporti në vend nisur që më 1931, kanë zhvilluar një ceremoni për të kujtuar gjithë figurat e njohura të notit.  Federata shqiptare e notit ka dhënë 18 çertifikata “Mirënjohje” për të gjithë ata që kanë dhënë kontributin e tyre në zhvillimin e këtij sporti. Më pas janë zhvilluar edhe garat me rastin e 85-vjetorit të themelimit të FSHN-së.

Ekipi i “Te Stela” i ka dominuar garat, notarët e së cilës kanë marrë disa medalje. Të pranishëm në këtë ceremoni kanë qenë presidenti i Federatës Shqiptare të Notit, Agim Çiraku, presidenti i Komitetit Olimpik Kombëtar Shqiptar, Viron Bezhani, drejtori i sporteve në Ministrinë e Arsimit dhe Sportin, Vladimir Gjonaj e drejtori i sportit elitar në këtë institucion Arjan Konomi.

Gjonaj ka dhënë premtimin se Ministria e Arsimit dhe Sportit do të ndërtojë pishinën olimpike 50-metërshe. Ndërsa një pishinë tjetër do të ndërtohet në fazën e dytë të punimeve në “Tirana Olimpik Park”.

Kupa e 85-vjetorit të Notit Shqiptar

Rezultatet teknike të ditës së parë:

Femra – Kategoria A

50 m bretkosë                       Melisa Zhdella (Prishtina)                35”31

100 m katërnotim                 Siria Çarçani (TDS)                         1’23”50

4×100 m stil i lirë                  Stela                                                   5’20”20

Meshkuj – Kategoria A

50 m bretkosë                       Deni Baholli (Stela)                           30”37

100 m katërnotim                 Ergi Veli (Partizani)                         1’03”99

4×100 m stil i lirë                  Nobis                                                  4’41”65

Femra – Kategoria B

400 m stil i lirë                       Arsinda Dervishi (Nobis)                5’00”39

50 m bretkosë                       Gloria Ndoja (Stela)                           37”51

200 m shpinë                        Rea Cenko (Stela)                           2’55”50

200 m delfin                          Anastasia Dhimoshi (Stela)           3’17”07

100 m katërnotim                 Gloria Ndoja (Stela)                         1’14”31

4×100 m stil i lirë                  Stela                                                   4’56”01

Meshkuj – Kategoria B

400 m stil i lirë                       Bianti Danaj (Flamurtari)                4’32”20

50 m bretkosë                       Devi Bardhi (Stela)                             35”91

200 m shpinë                        Joel Gjini (Nobis)                             2’21”68

200 m delfin                          Hubert Çurçia (Stela)                      2’41”99

100 m katërnotim                 Bianti Danaj (Flamurtari)                1’07”60

4×100 m stil i lirë                  Stela                                                   4’21”80