ASNN – Flamurtari vazhdon të dominojë edhe këtë sezon të Kampionatit Kombëtar të Basketbollit për Femra, pasi vlonjatet e drejtuara nga trajneri Viron Toska, kanë korrur një fitore komode ndaj Kamza Basketit, të drejtuar tashmë nga i mirënjohuri Roland Avrami, me rezultatin 61-45.

Vlonjatet kryesojnë me pikë të plota, 8, dy më tepër sesa Apolonia, e fitoi në Korçë ndaj Skënderbeut me shifrat 77-64. Megjithathë, për efekt kalendari, fieraket kanë luajtur një ndeshje më pak. Po në kuadër të javës së 4-t, Studenti ka fituar 77-64 në kryeqytet ndaj Elbasanit dhe është ngjitur aktualisht në vendin e tretë në renditje.

Skuadra e drejtuar nga trajnerja Fiorentina Mitku, ka 6 pikë, pas dy fitoresh dhe po aq humbjesh në këto 4 javë të para, ndërsa skuadra e Përmetit e kishte pushim këtë javë. Takimi i fundit i javës së 4-t, është ai midis Vllaznisë dhe Tiranës së trajnerit Erdal Borova, që do të luhet sonte në Shkodër, duke nisur nga ora 18:00.

Kampionati Kombëtar

i Basketbollit – Femra

Kategoria e Parë

Java e 4-t

(7-9 nëntor 2014)

Studenti – Elbasani                                     77-64

Skënderbeu – Apolonia                 64-77

Flamurtari – Kamza Basket            61-45

Vllaznia – Tirana                  (sot, ora 18:00)

Përmeti – pushim

Renditja

Nr.       Skuadra                     N.        F.         H.        Psh-Pp           Pikë

1. Flamurtari 4          4          0          305-221         8
2. Apolonia 3          3          0          264-185         6
3. Studenti 4          2          2          267-262         6
4. Tirana 3          2          1          248-206         5
5. Skënderbeu 3          2          1          216-194         5
6. Elbasani 4          1          3          272-320         5
7. Vllaznia 3          1          2          221-226         4
8. Kamza Basket 3          0          3          168-240         3
9. Përmeti 3          0          3          145-260         3