Tirana është kampione e dyfishtë e Shqipërisë në peshëngritje, si për meshkuj, ashtu dhe për femra. E ky Kampionat Kombëtar për Të Rritur, që është zhvilluar në kushtet e acarta të sallës së Pallatit të Sportit “Ramazan Njala” të Durrësit, ka pasur risinë e rikthimit të Romela Begajt dhe Daniel Godellit, të cilët kanë qenë dy vjet të pezulluar për shkak të dënimit nga Federata Botërore e Peshëngritjes pas daljes pozitiv në analizat antidoping të pas kampionatit Botëror në Kazakistan 2014.

Begaj është kthyer e fortë duke qenë kampione në peshën 63 kg, teksa ka ngritur 85 kg në shkëputje dhe 105 kg në shtytje. Por në të njëjtën kohë ka qenë edhe sportistja më e mirë femër e Kampionatit Kombëtar, duke premtuar kështu se do të vijojë të jetë e fortë dhe në garat në vazhdim. Aq më tepër që Shqipëria do të përgatitet për të marrë pjesë në Kampionatin Evropian në Split të Kroacisë në prill, si dhe në Kampionatin Botëror, që bëhet në Shtetet e Bashkuara të Amerikës.

Ndërkohë është konfirmuar forma e mirë e Briken Caljes, që pas vendit të 5-të në Lojërat Olimpike “Rio de Zhaneiro 2016” vijon të jetë në një nivel të pëlqyeshëm. Por peshëngritja shqiptare do të ketë dhe Daniel Godellin, që ka munguar në këtë kampionat të rriturish për shkak të dëmtimit. Për femra nuk janë zhvilluar peshat e rënda 75 dhe +75 kg. Në këtë kampionat kanë marrë pjesë 10 ekipe për meshkuj dhe 3 për femra.

Për meshkuj, ekipet pjesëmarrëse ishin Tirana, Teuta, Skënderbeu, Shtërmeni, Apolonia, Vllaznia, “Masglass”, Tomori dhe Flamurtari. Ka marrë pjesë dhe një skuadër me emrin “Weightlifting”. Kurse për femra kanë konkurruar Tirana, Partizani dhe Skënderbeu.

Kampionati Kombëtar i

Peshëngritjes për Të Rritur

Rezultatet teknike:

Të rritura:

Pesha 48 kg  Ana Jovani (Skënderbeu)

Pesha 53 kg  Liljana Hasani (Tirana)

Pesha 56 kg  Shqiponja Brahja (Partizani)

Pesha 63 kg  Romela Begaj (Tirana)

Si ekip: Tirana

Sportistja më e mirë: Romela Begaj (Tirana)

Të rritur:

Pesha 56 kg              Elsian Ismailaj (Tirana)

Pesha 62 kg              Arbër Çerçizi (Apolonia)

Pesha 69 kg              Briken Calja (Shtërmeni)

Pesha 77 kg              Dorian Tuda (Teuta)

Pesha 85 kg              Krenar Shoraj (Apolonia)

Pesha 94 kg              Ermand Tabaku (Tirana)

Pesha 105 kg           Endri Karina (Tirana)

Pesha +105 kg         Edison Elmazaj (Flamurtari)

Si ekip: Tirana 593

Sportisti më i mirë: Briken Calja (Shtërmeni)