ASNN – Kampionati Kombëtar i Volejbollit për Meshkuj ka luajtur dje dy ndeshjet e para të javës së tij të 5-të, ndërsa takimi tjetër, ai midis Studentit dhe Vllaznisë, do të luhet të hënën, duke nisur nga ora 18:00, për shkak të pjesëmarrjes së kryeqytetasve në Kupat e Evropës.

Tirana vazhdon të ruajë bilancin e paprekur të 100% fitoreve, pasi dje ka likujduar në 3 sete Skënderbeun, ndërsa Teuta ka korrur fitoren e 3-të në këto 5 javë, duke triumfuar në Elbasan me rezultatin 3-1. Tirana kryeson me 12 pikë, e ndjekur nga Studenti dhe Teuta, me nga 9 pikë secila, por me durrsakët që kanë luajtur një ndeshje me shumë.

Vllaznia dhe Farka Voleji, e cila ishte pushim këtë javë, kanë nga 6 pikë, ndërsa renditjen e mbyllin Elbasani dhe Skënderbeu, që ende nuk kanë arritur të marrin as edhe një pikë të vetme në 4 ndeshjet e luajtura deri më tani.

Kampionati Kombëtar

i Volejbollit – Meshkuj

Java e 5-të

(8-10 nëntor 2014)

Tirana – Skënderbeu          3-0

Elbasani – Teuta                  1-3

Studenti – Vllaznia              (nesër, ora 18:00)

Farka Volej                            pushim

Renditja

Nr.       Skuadra         N.        F.         H.        Setet               Pikë

1. Tirana 4          4          0          12-2                12
2. Studenti 4          3          1          10-3                9
3. Teuta 5          3          2          9-9                9
4. Vllaznia 3          2          1          7-4                6
5. Farka Volej 4          2          2          7-6                6
6. Elbasani 4          0          4          2-12              0
7. Skënderbeu 4          0          4          1-12              0