Studenti e ka nisur mirë ndeshjen, ndërsa ka një dëshirë të madhe të Pepës, Xhabrahimit, Andi Lundrës, Kulës e Çullhajt për të mos u dorëzuar. 6-8, 8-13, 10-16, 12-19, 14-19 dhe në fund seti i parë është për Studentin 19-25. Shkundja e trajnerit Dritan Bardhi për të tijtë është e fortë, aq sa nis seti i dytë me një revansh të madh të Farka Volejit, 6-1, 8-1, 10-5, 12-8, 16-11, 19-15 dhe 25-19.

E kur pritej që loja e Studenti të kishte ritmin e setit të parë gjërat nisin të përkeqësohen, ndërsa Koçi e Qepa, Metani e Mimani, por dhe Bajrami, nën organizimin perfekt të Deliut, s’e kanë problem për të bërë gjithçka të veten. 8-4, 16-11, 18-13 dhe 25-17. Në të 4-tin, përtej ndonjë shkëndije të vogël për të kërkuar setin final, gjithçka është për Farka Volejin.

Fillimisht 8-7, pastaj 9-11, 16-14, 18-15, 22-20 dhe në fund 25-21 për skuadrën e Dritan Bardhit dhe rezultati final është 3-1. Pikëshënuesi më i mirë i ndeshjes është Redi Koçi i Farka Volejit, me 28 pikë, i ndjekur nga Emiljano Xhabrahimi i Studentit, me 19 pikë, si dhe Osman Qepa i Farka Volejit, me 14 pikë. Në bllok ka dalë fitues Qepa i Farka Volejit me 4 mure të suksesshme, si dhe Mimani i Farka Volejit me 3 mure të sakta.

Dhe në shërbim Koçi i Farka Volejit me 3 rezultative. Në total, në 4 sete, Farka Volej ka realizuar 94 pikë, prej të cilave 69 pikë vetë, kurse 25 pikë kanë ardhur nga gabimet e Studentit, që praktikisht ka falur një set. Në krahun tjetër, në 4 sete, Studenti ka shënuar 82 pikë, prej të cilave 57 pikë vetë, kurse 25 pikë kanë ardhur nga gabimet e Farka Volejit, që po kështu ka falur një set.

Farka Volej – Studenti         3-1

(19-25, 25-19, 25-17, 25-21)

Farka Volej: Deliu, Koçi, Qepa, Mimani, Bajrami, Metani, Vllaçaj (L) / G. Lundra. Trajner: D. Bardhi

Studenti: Pepaj, Kupi, A.Lundra, Çullhaj, Xhabrahimi, Bërdufi (L), Kula / Rama, Muça, Sejati, Baruti. Trajner: A. Sako

Gjyqtarë: R. Kuka (Vlorë), K. Agolli (Tiranë)

Ndihmës: E. Papamihali, R. Ekmekçiu (Tiranë)

Kupa e Shqipërisë 2018

Volejboll – Meshkuj

Kalendari i fazës eliminatore:

Grupi A

Dita e parë

(16 dhjetor 2016)

Farka Volej – Teuta             ora 3-0

Studenti – Partizani             ora 0-3

Dita e dytë

(17 dhjetor 2016)

Partizani – Teuta                              3-0

(25-12, 25-14, 25-17)

Farka Volej – Studenti                     3-1

(19-25, 25-19, 25-17, 25-21)

Renditja

Nr.       Skuadra         N.        F.         H.        Setet               Pikë

1. Partizani        2          2          0          6-0                  6
2. Farka Volej    2          2          0          6-1                  6
3. Studenti         2          0          2          1-6                  0
4. Teuta              2          0          2          0-6                  0

Dita e 3-të

(18 dhjetor 2016)

Teuta – Studenti                  ora 15:00

Farka Volej – Partizani        ora 17:00