Karposh Sokoli dje ka zhvlerësuar Pejën, ndërsa në Pallatin e Sportit “Boris Trajkovski” të Shkupit, teksa e ka mundur 82-75. 21-19 ka qenë pjesa e parë për maqedonasit, 24-22 e dyta po për vendësit dhe në pushim Karposhi ka kryesuar 45-41.

Peja është kujtuar të luajë në pjesën e tretë, të cilën e ka fituar 14-19 dhe ka kryesuar përkohësisht në 59-60.

E fundit është për Karposhin, të cilën e ka fituar 23-15 dhe në përfundim 82-75. Fitorja e tretë për Karposhin, po aq sa Tirana, duke pasur dhe 5 humbje e me pikëaverazhin më të mirë është në vendin e tretë.

Që do të thotë se ndeshja e 17 janarit 2017 mes tyre në Sallën Sportive “Fahrie Hoti” në kryeqytet duket se do të vendosë shumë gjëra, pa thënë dhe ndeshjet e prapambetura të Pejës.

Por, aktualisht, Tirana me 2 humbje radhazi është në vështirësi për objektivin e saj, kurse Karposh Sokoli zhvlerëson Pejën dhe është në lojë për kalimin në fazën çerekfinale të Ligës Ballkanike të Basketbollit për Meshkuj.

Liga Ballkanike (BIBL)

Basketboll – Meshkuj

Grupi B

Java e 8-të

(12-14 dhjetor 2016)

Të hënën:

Trepça Mitrovicë – MKK Feni Industries              70-45

Të martën:

Tirana – Sutjeska Nikshiq                                      56-79

Të mërkurën:

Karpos Sokoli – Peja                                               82-75

Renditja

Nr.       Skuadra                                 N.        F.         H.        Psh-Pp           Pikë

1.        Sutjeska Nikshiq                  7          5          2          561-480         12
2. MKK Feni Industries           7          4          3          516-475         11
3. Karposh Sokoli                     8          3          5          600-664         11
4. Tirana                                     8          3          5          540-611         11
5. Trepça Mitrovicë                   7          3          4          484-507         10
6. Peja                                        5          3          2          396-369           8