ASNN – Në javën e 8-të të grupit A të Ligës Ballkanike të Basketbollit për Meshkuj, Bashkimi i Prizrenit ka marrë fitoren e 4-t, pasi ka mposhtur Beroe Stara-Zagorën me rezultatin 83-66. Prizrenasit kanë vijuar kështu me paraqitje të mira në Ligën Ballkanike duke shënuar fitoren e katërt radhazi.

Dhe pas suksesit me bullgarët, Bashkimi i Prizrenit është në vendin e 3-të, me 10 pikë duke pasur një shans më shumë për të qenë në turin e dytë të Ligës Ballkanike. Ndërkohë SIGAL Prishtina ka pësuar humbjen e 3-të në Ligën Ballkanike, kësaj radhe nga KK Kumanovo, 86-68.

E kjo ishte humbja më e thellë për fituesit në fuqi të Ligës Ballkanike, ndërsa maqedonasit e nisën shumë mirë ndeshjen duke mbyllur gjysmën e parë me vetëm një pikë epërsi 36-35. Vendësit ishin të pandalshëm në pjesën e dytë, ku i shkaktuan humbjen e 3-të prishtinasve, me rezultatin 86-68.

Sot është radha e Pejës për të qenë në parket përballë Karposh Sokolit për grupin B, kurse Trepça të hënën ka fituar në Mitrovicë me MKK Feni Industries, me shifrat 70-45.

Liga Ballkanike (BIBL)

Basketboll – Meshkuj

Grupi A

Java e 8-të

(13-15 dhjetor 2016)

Të martën:

Bashkimi Prizren – Beroe Stara-Zagora              83-66

Kumanovo 2009 – SIGAL Prishtina                     86-68

Të mërkurën:

Kozhuvi – Teodo                                                      ora 19:00

Renditja

Nr.       Skuadra                     N.        F.         H.        Psh-Pp           Pikë

1. Kumanovo                8          6          2          662-622         14
2. Bashkimi Prizren     8          4          4          616-625         12
3. Beroe Stara-Zagora 7          4          3          561-571         11
4. Teodo                         6          3          3          497-482           9
5. Kozhuv                      6          1          5          466-478           7
6. SIGAL Prishtina       5          2          3          390-416           7