Ndeshja e dytë e fazës eliminatore të grupit B të Kupës së Shqipërisë në volejboll për femra ka nisur me 20 minuta vonesë. Më parë kishte ardhur ndihmëstrajnerja Shahu së bashku me lojtaren e Skënderbeut me të njëjtin mbiemër. Dukej sikur ishin për të zënë vendet. Kurse ekipi, me në krye shefen e klubit shumësportësh, Tatjana Marash, ka mbërritur në ora 16:56.
“Kishte trafik e mezi kemi hyrë në Tiranë”, thotë Marash, kur praktikisht duhet të ishin në “Asllan Rusi” sipas rregullores një orë e gjysëm përpara fillimit të ndeshjes. Por përtej kësaj Marash ka kërkuar drejtuesit e Federatës Shqiptare të Volejbollit në telefon, sepse prej kohësh ata kanë dërguar një shkresë që nuk e duan më gjyqtarin Roland Mujo. E në fakt Mujo ishte në vend të Enri Zenullarit i pamundur për këtë ndeshje.
Por ndërsa ndodhte kështu, Tarja në anën tjetër kërkonte zbatimin e rregullores, sipas të cilit pritet vetëm 15 minuta për ekipin kundërshtar. Në të kundërt ndeshja quhet e mbyllur. E megjithatë rreth orës 17:20 ndeshja ka nisur, ndërsa Skënderbeu, me përjashtim të setit të dytë, në të tjerat ka qenë inekzistent. 25-8, 25-22, 25-14 ishin shifrat e seteve.
Pikëshënuesja më e mirë e ndeshjes Tuci e Partizanit, me 14 pikë, e ndjekur nga Blloku i Partizanit dhe Shahu e Skënderbeut, me 10 pikë. Në bllok ka dalë fituese Reka me një mur fitues, kurse në shërbim Gongo e Partizanit me 4 rezultative. Në total, Partizani në 3 sete ka realizuar 75 pikë, prej të cilave 53 pikë vetë, kurse 22 pikë kanë ardhur nga gabimet e Skënderbeut. Në 3 sete, Skënderbeu ka shënuar 44 pikë prej të cilave 24 pikë vetë, kurse 20 pikë kanë ardhur nga gabimet e të kuqve.
Partizani – Skënderbeu 3-0
(25-8, 25-22, 25-14)
Partizani: Matraku, Blloku, Reka, Pirra, Shehu (L), Tuci, Gongo / Kole, Agolli, Meçorapoj, Shera (L), Xhaferraj. Trajner: R. Tarja
Skënderbeu: Shahu, Grabocka, Demiraj, Beshiri, Mujo, Dallas, Busho (L) / Nastaz. Trajnere: T. Marash
Gjyqtarë: Ç. Kojku, R. Mujo (Tiranë)
Kupa e Shqipërisë 2018
Volejboll – Femra
Kalendari i fazës eliminatore:
Grupi A
Dita e parë
(2 dhjetor 2016)
Barleti Volej – Lushnja 3-0
(25-17, 25-11, 25-19)
Teuta – Vllaznia 3-0
(25-17, 25-18, 25-19)
Dita e dytë
(3 dhjetor 2016)
Vllaznia – Lushnja 3-2
(22-25, 25-21, 23-25, 25-22, 17-15)
Barleti Volej – Teuta 3-0
(25-19, 25-17, 25-10)
Dita e 3-të
(4 dhjetor 2016)
Teuta – Lushnja 3-0
(25-6, 25-18, 25-20)
Barleti Volej – Vllaznia 3-0
(25-21, 25-18, 25-15)
Renditja
Nr. Skuadra N. F. H. Setet Pikë
- Barleti Volej 3 3 0 9-0 9
- Teuta 3 2 1 6-3 6
- Vllaznia 3 1 2 3-8 2
- Lushnja 3 0 2 2-9 1
Grupi B
Dita e parë
(9 dhjetor 2016)
Tirana – Elbasani 3-0
(25-10, 25-16, 25-0)
Partizani – Skënderbeu 3-0
(25-8, 25-22, 25-14)
Renditja
Nr. Skuadra N. F. H. Setet Pikë
- Tirana 1 1 0 3-0 3
- Partizani 1 1 0 3-0 3
- Skënderbeu 1 0 1 0-3 0
- Elbasani 1 0 1 0-3 1
Dita e dytë
(10 dhjetor 2016)
Elbasani – Partizani ora 15:00
Tirana – Skënderbeu ora 17:00
Dita e 3-të
(11 dhjetor 2016)
Skënderbeu – Elbasani ora 15:00
Partizani – Tirana ora 17:00
