Bardheblutë e kanë përuruar me humbje rikthimin e tyre në Sallën Sportive “Fahrie Hoti” në kryeqytet, ndërsa disfata me maqedonasit ndërlikon disi objektivat për në turin e dytë. Maqedonasit kanë qenë të tmerrshëm në 3-pikësha me Petroskin, Çeskoviçin, Stasiçin dhe Magdenskin.
Për rrjedhojë duke mbuluar rreptë pikat e forta të Tiranës, maqedonasit arrijnë që në fund të pjesës së parë të jenë në një epërsi prej 19 pikësh, 8-27. Diferencat ruhen dhe në pjesën e dytë, që MKK Feni Industries e ka fituar 14-21, dhe, në total 22-48. Tjetër mënyrë loje për Tiranën në pjesën e tretë.
Me një epërsi të pjesshme 8-0, bardheblutë janë afruar me një diferencë pikësh 18, 30-48. Kaq ka mjaftuar që Malinkov të ulërijë e t’i shtrëngojë të vetët që vetëm nëpërmjet 3-pikëshave arrijnë që të mbajnë diferencat. Tirana fiton 21-11 dhe afrohet 43-59. Madje Tirana është afruar deri në 6 pikë.
Por nis të ndëshkohet dhe nga gabimet personale, ndërsa me 5 të tilla kanë ikur më përpara se të tjerët Lasku dhe Karaj. Shima mundohet, por dhe Rame e Xhonson, apo dhe Hysenagolli. 20-13 pjesa e fundit për Tiranën dhe përfundimisht 63-72 për maqedonasit, që e kanë pasur një fitore të rëndësishme këtë.
Tirana – MKK Feni Industries 63-72
(8-27, 14-21, 21-11, 20-13)
Tirana: Shima (20), Lasku (2), Hysenagolli (8), Xhonson (10), Rame (15) / Karaj (6), Vogli, Gjyzeli (2), Hysa. Trajner: N. Milatoviç
MKK Feni Industries: Petroski (9), Markovski (6), Nikolovski (12), Djekiç (13), Çeskoviç (16) / Stasiç (6), Magdevski (10). Pajiç, Milkov. Trajner: L. Malinkov
Gjyqtarë: Z. Rutesiç, M. Kaludjeroviç (Mali i Zi), D. Kralj (Bosnje-Hercegovinë)
Liga Ballkanike – BIBL 2016
Basketboll – Meshkuj
Grupi B
Java e 7-të
(7 dhjetor 2016)
Tirana – MKK Feni Industriers 63-72
Peja – Sutjeska Nikshiq 76-74
Karpos Sokoli – Trepca Mitrovicë 85-69
Renditja
Nr Skuadra N F H Psh-Pp Pikë
- MKK Feni Industries 6 4 2 471-405 10
- Sutjeska Nikshiq 6 4 2 482-424 10
- Tirana 7 3 4 484-532 10
- Trepça 6 2 4 414-462 9
- Karposh Sokoli 7 2 5 518-589 9
- Peja 4 3 1 321-287 7
