ASNN – Dje në Kompleksin Sportiv “Xhelili” në Cërrik, nën kujdesin e Federatës Shqiptare të Hendbollit dhe Sekretarit të Përgjithshëm të saj, Armand Çakalli, ka nisur Kampionati Kombëtar i Hendbollit për Meshkuj.
Takimi i parë është zhvilluar midis Elbasanit dhe “Ali Demit” të Vlorës. Verdheblutë kanë fituar me lehtësi dhe bindshëm ndaj vlonjatëve me shifrat 30-16.
Takimi i dytë ka qenë midis Cërrikut dhe Kombinatit. Këta të fundit kanë fituar me vështirësi 16-18 duke bërë një lojë shumë të fortë.
