Flamurtari për femra dhe Tirana për meshkuj janë fituesit e Kupës së Shqipërisë në basketboll. Për femra skuadra vlonjate ka mundur Goga Basket me rezultatin 72-79, ndërsa për meshkuj, bardheblutë kanë fituar ndaj Teutës me rezultatin 73-89. Të dyja sfidat finale u zhvilluan në Pallatin e Sportit “Ramazan Njala” në Durrës. Vlonjatet e Viron Toskës dhe bardheblutë kryeqytetas të Nikola Milatoviçit, që janë dhe kryesuesit e kampionatit, kanë treguar diferenca të mëdha me kundërshtarët.

Aq sa janë të pamundur për t’u thyer. Kështu, Flamurtari e Tirana janë “pronare” e Kupës së Shqipërisë në basketbollit në finalet që kanë qenë një “maratonë” e vërtetë pas ndërprerjes së energjisë në Pallatin e Sportit “Ramazan Njala” në Durrës. Si Flamurtari, ashtu dhe Tirana kanë treguar diferenca të mëdha me kundërshtarët që kanë pasur në finale, ndërsa bëhet fjalë për Goga Basket dhe Teutën. Aq sa, edhe duke qenë kryesuese të kampionatit, të paktën për momentin janë të pamundura për t’u thyer.

Dhe në fund Presidenti i Federatës Shqiptare të Basketbollit, Avni Ponari, së bashku me anëtarët e kryesisë, Vaso Shaka e Ilir Taflaj, por dhe Sekretarin e Përgjithshëm, Korab Llazani, kanë dorëzuar kupat. 18 herë e ka fituar Kupën e Shqipërisë Flamurtari në basketboll për femra, ndërsa mbetet mbajtësja e këtij trofeu, sepse dhe vitin e kaluar ka qenë e tillë. Ndërkaq, 16 herë e ka marrë Kupën e Shqipërisë në basketboll për meshkuj Tirana, e cila kthehet tek ky trofe pas 5 vjetësh.

E ka fituar për herë të fundit më 2011-ën, ndërsa duket se është koha e kësaj skuadre. Të dy ndeshjet finale të Kupës së Shqipërisë në basketboll, për femra e meshkuj u transmetuan drejtpërdrejt nga Rrjeti i Radio-Televizioni Shqiptar, në kanalin e dytë tokësor, TVSH2 dhe në atë RTSH Sporti të platformës dixhitale.

Kupa e Shqipërisë

Basketboll – Meshkuj

Gjysmëfinalet:

(28 nëntor 2016)

Të hënën:

Tirana – Vllaznia                              85-69

(23-18, 23-24, 25-16, 14-11)

Teuta – Ardhmëria Basket              63-37

(20-6, 15-22, 13-4, 15-5)

Finalja

(29 nëntor 2016)

Të martën:

Tirana – Teuta                                  89-73

(26-19, 17-11, 27-12, 19-31)

Kupa e Shqipërisë

Basketboll – Femra

Gjysmëfinalet:

(28 nëntor 2016)

Të hënën:

Flamurtari – Studenti                       95-55

(17-18, 28-5, 23-7, 27-25)

Goga Basket – Tirana                     95-61

(18-15, 27-20, 30-7, 20-19)

Finalja

(29 nëntor 2016)

Të martën:

Flamurtari – Goga Basket                79-72

(27-7, 15-24, 16-21, 21-20)