Gjermani, që ka dalë i dyti dje në Çmimin e Madh të Abu Dabit, ka thyer hegjemoninë e britanikut Hemilton, i cili për dy vite radhazi ka qenë fituesi i Botërorit. Dje ka dalë i pari, por nuk ka mjaftuar. Niko Rosberg është kampioni i ri i Botës i Formula 1. Gjermani 30-vjeçar i Mercedesit, pas dy vendeve të dyta më 2014-ën dhe 2015-ën, merr kështu trofeun e tij më të dëshiruar.
Në “Jas Marina”, Rosberg e ka mbyllur i dyti pas shpinës së shokut të skuadrës së tij Ljuis Hemilton. Britaniku, kampioni i botës i vitit të kaluar, e mbyll sezonin me 5 pikë prapa gjermanit në renditjen e përgjithshme të Botërorit 2016. Në vendin e 3-të “Ferrari” i Fetelit që në finalen e garës arrin të parakalojë Red Bullin e Verstapenit. I pesti Riçiardo që parakalon Raikonenin. Kompletojnë dhjetëshen Hulkenberg, Perez, Masa dhe Alonso. Për Hemiltonin ka qenë suksesi i 53-të i karrierës, por që në fund nuk ka mjaftuar për të mbajtur trofeun e madh të Kampionit të Botës.
Rosberg, nëntë fitore sezonale
Niko Rosberg është në historinë dhe në librin e artë të Formula 1. Gjermani i Mercedesi thyen kështu hegjemoninë e shokut të skuadrës Hemilton, e cila ka zgjatur për dy vjet rresht. Niko, favorit nga një Mercedes me të vërtetë i pathyeshëm, ka mundur të vetmin rival që i jepte mërzitje dhe shqetësime garë pas gare, që në këtë rast është Hemilton. Gjermani e ka nisur sezonin me një shpërthim të fortë dhe të madh, teksa ka marrë katër fitore radhazi. Pastaj është rikthyer Hemilton, që ka shkuar për pushime me 19 pikë avantazh. Në kthim, sërisht ka shpërthyer Rosberg, që në total ka nëntë fitore të këtij sezoni. Një rekord që e ka barazuar me të atin, Keke, që një gjë të tillë e arrinte më 1982.
Çmimi i Madh i Abu Dabit 2016
Formula 1
Rezultatet teknike të garës:
1) L. Hemilton (Britani e Madhe) Mercedes 1h38’04”013
2) N. Rosberg (Gjermani) Mercedes + 0”439
3) S. Fetel (Gjermani) Ferrari + 0”843
4) M. Verstapen (Holandë) Red Bull + 1”685
5) D. Riçiardo (Australi) Red Bull + 5”315
6) K. Raikonen (Finlandë) Ferrari + 18”816
7) N. Hulkenberg (Gjermani) Forca India + 50”114
8) S. Perez (Meksikë) Forca India + 58”776
9) F. Masa (Brazil) Uilliams + 59”436
10) F. Alonso (Spanjë) Mekklaren + 59”896
11) R. Groszhon (Francë) Has + 1’16”777
12) E. Gutierrez (Meksikë) Has + 1’35”113
13) E. Okon (Francë) Manor 1 xhiro
14) P. Verlain (Gjermani) Manor 1 xhiro
15) M. Erikson (Suedi) Sauber 1 xhiro
Renditja përfundimtare e pilotëve të Formula 1
1) N. Rosberg (Gjermani) Mercedes 385 pikë
2) L. Hemilton (Britani e Madhe) Mercedes 380 pikë
3) D. Riçiardo (Australi) Red Bull 256 pikë
4) S. Fetel (Gjermani) Ferrari 212 pikë
5) M. Verstapen (Holandë) Red Bull 204 pikë
6) K. Raikonen (Finlandë) Ferrari 186 pikë
7) S. Perez (Meksikë) Forca India 101 pikë
8) V. Botas (Finlandë) Uilliams 85 pikë
9) N. Hulkenberg (Gjermani) Forca India 72 pikë
10) F. Alonso (Spanjë) Mekklaren 54 pikë
11) F. Masa (Brazil) Uilliams 53 pikë
12) K. Sainz Junior (Spanjë) Toro Roso 46 pikë
13) R. Groszhon (Francë) Has 29 pikë
14) D. Kviat (Rusi) Toro Roso 25 pikë
15) Xh. Baton (Britani e Madhe) Mekklaren 21 pikë
16) K. Magnusen (Danimarkë) Renault 7 pikë
17) F. Nasr (Brazil) Sauber 2 pikë
18) P. Verlain (Gjermani) Manor 1 pikë
19) J. Palmer (Britani e Madhe) Renault 1 pikë
20) S. Vandorne (Belgjikë) Mekklaren 1 pikë
Renditja përfundimtare e makinave
1) Mercedes 765 pikë
2) Red Bull 468 pikë
3) Ferrari 398 pikë
4) Forca India 173 pikë
5) Uilliams 138 pikë
6) Mekklaren 76 pikë
7) Toro Roso 63 pikë
8) Has 29 pikë
9) Renault 8 pikë
10) Sauber 2 pikë
11) Manor 1 pikë
