Tirana e ka nisur shpejt setin e parë ndaj Studentit, ndërsa ka kryesuar vazhdimisht në 7-2, 21-12, 23-12 dhe në fund 25-17. Seti i dytë është më i ekuilibruar, ndërsa në të dy pushimet teknike Studenti është në epërsi 5-8 dhe 13-16. Mirëpo, me një epërsi të pjesshme 5-1, Tirana përmbys në 18-17.

Dhe më pas kryeson 22-21 dhe fiton setin e dytë 25-22. I treti ka dëshirën e Tiranës për të fituar 3-0, por dhe atë të Studentit për ta hapur ndeshjen. 7-8 në pushimin e parë teknik për djemtë e Sakos. 12-11 për bardheblutë, 16-13, 19-15, 20-19 dhe në fund 25-20 për Tiranën 3-0.

Nëse do të mbetet për t’u spikatur është vija e parë e sulmit të bardhebluve me Ferhatin, Ndonin dhe Gaxirin, që gjithnjë nën organizimin e Xhijës, bëheshin të rrezikshëm. Në krahun tjetër përveç Xhabrahimit, spikati në raste të veçanta blloku dysh i Kulës dhe Çullhajt.

E megjithatë dhe duke pasur një lojtar si Gega, Tirana ka fituar 3-0. Pikëshënuesi më i mirë i ndeshjes është Xhabrahimi i Studentit, me 19 pikë, i ndjekur nga Ferhati i Tiranës, me 14 pikë. Në bllok ka dalë fitues me nga 3 mure të forta Ferhati, Ndoni dhe Gega të Tiranës, si dhe Kula i Studentit.

Në shërbim është fitues Gega dhe Gaxiri të Tiranës, me nga dy rezultativë. Në total, në 3 sete, Tirana ka shënuar 75 pikë, prej të cilave 55 pikë vetë, kurse 20 pikë kanë ardhur nga gabimet e Studentit. Në krahun tjetër, Studenti, në 3 sete ka shënuar 59 pikë, prej të cilave 44 pikë vetë, kurse 15 pikë kanë ardhur nga gabimet e bardhebluve.

Tirana – Studenti                  3-0

(25-17, 25-22, 25-20)

Tirana: Ferhati, Ndoni, Gega, Xhija, Sotir, Gaxiri, Kasëmi (L). Trajner: I. Koja

Studenti: Kupi, Rama, Xhabrahimi, Lundra, Pepaj, Bërdufi (L), Kula / Çullhaj, Muça. Trajner: A. Sako

Gjyqtarë: R. Kuka, G. Sakaj (Vlorë)

Ndihmës: A. Nurja, G. Ferhati (Tiranë)

Kampionati Kombëtar

i Volejbollit – Meshkuj

Java e 9-të

(25-26 nëntor 2016)

Të premten:

Farka Volej – Erzeni            3-1

Tirana – Studenti                 3-0

Të shtunën:

Elbasani – Vllaznia             ora 17:00

Teuta – Partizani                  ora 18:00

Skënderbeu                          pushim

Renditja

Nr.       Skuadra         N.        F.         H.        Setet               Pikë

1. Partizani        7          7          0          21-2                21
2. Farka Volej    8          6          2          20-9                18
3. Tirana             8          5          3          18-11              15
4. Studenti         8          5          3          15-14              14
5. Vllaznia         7          4          3          15-11              13
6. Erzeni                        8          4          4          16-14              12
7. Skënderbeu  8          2          6            6-20                6
8. Teuta              7          1          6            6-20                2
9. Elbasani        7          0          7            4-21                1