ASNN – Ishte parashikuar që nuk do të vononte dhe kështu ka ndodhur. I riu Emanuele Ndoji po tërheq vëmendjen e skuadrave të Serisë A të Kampionatit Italian të Futbollit. dhe, sipas mediave italiane, janë drejtuesit e Sasuolos po vëzhgojnë mesfushorin shqiptar.
20-vjeçari, i cili është pjesë e Breshias në Serinë B, aty ku është aktivizuar në 7 ndeshje të kampionatit. Ndoji është një futbollist me perspektivë, i rritur në akademinë e Romës. Ai u transferua janarin e kaluar te skuadra nga Lombardia, duke firmosur deri në vitin 2020, por një ofertë e mirë mund ta kalojë te Sasuolo.
Megjithatë, sipas mediave italiane, kontakt konkret nuk ka patur ende. Emanuele Ndoji ishte pjesë e përfaqësueseve të moshave të Shqipërisë, më konkretisht e asaj të Nën-17 dhe Nën-19-vjeçarëve. Në Itali vijojnë karrierën shumë lojtarë shqiptarë, të cilët aktivizohen nga kategoritë e ulëta, deri në Serinë A.
