Kryendeshja e basketbollit të meshkujve Vllaznia-Tirana, edhe pse është pritur me shumë interes nga sportdashësit shkodranë, të cilët kishin mbushur plot Pallatin e Sportit “Qazim Dervishi”, nuk ka dhënë asgjë të bukur. Pasi skenat antisportive të shfaqura në fundin e pjesës së parë prishën gjithçka. Incidenti në fjalë ku përfshiu, sportistë e trajnerë, nuk u përjetua aspak mirë nga sportdashësit shkodranë, të cilët kanë vërejtur si shkaktarë basketbollistët e Tiranës.

Në mënyrë të veçantë në fokus të gjithë të pranishmëve ka qenë basketbollisti Karaj i etiketuar si personi që provokoi trajnerin shkodran Bledar Gjeçaj dhe, që sipas sportdashësve shkodranë, e ka goditur. Por, në të njëjtën kohë, po Karaj, të paktën sipas bardhebluve,  është goditur nga tifozët shkodranë, që kanë qenë në fushën e lojës.

Gjyqtarët kanë ndëshkuar, duke i përjashtuar nga loja, 4 basketbollistë; Ndojën dhe Dod Lekndreajn të Vllaznisë dhe Xhonsonin dhe Shimën e Tiranës. Ndërsa Karaj është ofenduar në kor në fund të ndeshjes. E në të tilla situata, kur tifozët janë grumbulluar në daljen e skuadrës nga mjediset e Pallatit të Sportit “Qazim Dervishi”, Tirana është marrë në mbrojtje nga forcat e rendit, që kanë qenë të shumta.

Autobusi i basketbollistëve bardheblu është larguar nga Shkodra pa as më të voglin shqetësim, sepse situata është monitoruar mirë nga forcat e rendit në Shkodër, që në këtë rast duhet lavdëruar. Por ajo që ndodhi ka lënë një shije jo të mirë tek të gjithë.

Vllaznia – Tirana  66-84

(26-19, 21-25, 14-25, 5-15)

Vllaznia: Bërdica, Bekteshi, Gjoni, Faslia, Da. Lekndreaj / Taraboshi, Shabani, Selimi, Rrashketa, Do. Lekndreaj, Rakaj. Trajner: B. Gjeçaj

Tirana: Rame, Xhonson, Karaj, Hysenagolli, Shima / Lasku, Gjeçi, Durrsi, Hasani, Gjyzeli, Hysa. Trajner: N. Milatoviç

Gjyqtarë: M. Kasemi (Vlorë), O. Kasmi, A. Bejko (Tiranë)

Kampionati Kombëtar

i Basketbollit – Meshkuj

Superliga

Java e 6-të

(18-19 nëntor 2016)

Të premten:

Vllaznia – Tirana                              66-84

Kamza Basket – Teuta                    83-90

Të shtunën:

Flamurtari – Ardhmëria Basket      ora 13:00

Renditja

Nr.       Skuadra                     N.        F.         H.        Psh-Pp           Pikë

1. Tirana                         6          6          0          519-384         12
2. Teuta                          6          4          2          468-384         10
3. Vllaznia                     6          3          3          431-415           9
4. Kamza Basket          6          3          3          446-443           9
5. Ardhmëria Basket    5          1          4          330-332           6
6. Flamurtari                  5          0          5          222-459           5