Është luajtur pikë më pikë deri në pushimin e parë teknik, por që Farka Volej është në epërsi 7-8. Po kështu ndodh edhe në pushimin e dytë teknik, teksa skuadra e trajnerit pasionant, Dritan Bardhit, është përsëri në epërsi 14-16. Mandej 15-18, 21-23, 22-24 dhe 22-25.

E duket sikur kjo ndeshje është për Farka Volejin, e cila në setin e dytë ka kryesuar deri në 11-12. Por Partizani përmbys në 16-13, 19-17, 22-20 dhe fiton setin e dytë 25-21. I treti është i rrufeshëm për të kuqtë në 8-4, 15-10, 16-11, 19-14 dhe 25-14. I katërti është më i ekuilibruar me dëshirën e Partizanit për të mbyllur ndeshjen, por dhe të Farka Volejit për ta çuar takimin në setin final.

Fillimisht 8-7 për të kuqtë, pastaj 15-16 dhe 15-17. Dhe këtu nis nervozizmi. Pikërisht një karton i kuq ndaj Trokës, që trajneri Tomori e ka vlerësuar si të drejtë vendimin e gjyqtarit Shehu, sepse e kishte ofenduar, e çon Farka Volejin në epërsi 18-20. Ka disi rrëmujë, sepse një vendim i ndihmësit Nurja për një top brenda të Qepës shkakton zemërimin e Partizanit.

Sidoqoftë, në rezultatin 22-23 ka ardhur një përsëritje e Shehut, edhe pse Zenullari e kishte krahun për nga Partizani. Përtej këtyre vendimeve të gjyqtarit, të cilat janë të pakundërshtueshme, Partizani ka gjetur forcën për të barazuar 24-24. Dhe pastaj kanë ardhur dy pikët e triumfit. 26-24 dhe në fund 3-1 për të kuqtë.

Partizani – Farka Volej                     3-1

(22-25, 25-21, 25-14, 26-24)

Partizani: Malaj, Troka, Qerraxhija, Gorenxa (L), Çali, Kono, K. Martiro / Arapi, L. Martiro, Kasa. Trajner: Y. Tomori

Farka Volej: Deliu, Koçi, Bajrami, Mimani, Metani, Qepa, Vllaçaj (L), Topçiu (L) / Xhajkone, Dodaj. Trajner: D. Bardhi

Gjyqtarë: A. Shehu, E. Zenullari (Tiranë)

Ndihmës: A. Nurja, L. Nurçe (Tiranë)

Kampionati Kombëtar

i Volejbollit – Meshkuj

Java e 8-të

(17-19 nëntor 2016)

Të enjten:

Partizani – Farka Volej                     3-1

Të shtunën:

Elbasani – Skënderbeu                  ora 16:00

Erzeni – Vllaznia                             ora 17:30

Studenti – Teuta                              ora 18:00

Tirana                                                 pushim

Renditja

Nr.       Skuadra         N.        F.         H.        Setet               Pikë

1. Partizani        7          7          0          21-2                21
2. Farka Volej    7          5          2          17-8                15
3. Tirana             7          4          3          15-10              12
4. Vllaznia         6          4          2          13-8                12
5. Studenti         6          4          2          12-10              11
6. Erzeni                        6          3          3          12-9                10
7. Skënderbeu  7          1          6            3-19                3
8. Teuta              6          1          5            5-17                2
9. Elbasani        6          0          6            3-18                1