ASNN – Veprimtaria e dytë e futbollit shqiptar, Kupa e Shqipërisë, ka luajtur të mërkurën pasdreke të gjitha ndeshjet e kthimit të turit të saj të dytë, apo thënë ndryshe, turit të 16-shes. Dhe Rrjeti i Radio-Televizionit Shqiptar ka sjellë për sportdashësit, një nga duelet më të spikatura të grupit B, atë midis Partizanit dhe Besëlidhjes.

Lezhjanët e kishin fituar ndeshjen e luajtur para 3 javësh në fushën e tyre me një gol të vetëm. Megjithatë, Partizani ka arritur të gjejë golin në fundin e pjesës së parë, kur futbollisti afrikan i Besëlidhjes, Sidibe, ka kthyer në rrjetën e vet një top të goditur nga futbollist i të kuqve, Vila.

Por afrikani i lezhjanëve e ka korrigjuar veten në pjesën e dytë, teksa ka shënuar golin e barazimit për Besëlidhjen. Një gol ky që do të rezultojë vendimtar, pasi është Besëlidhja që shkon në çerekfinale të Kupës së Shqipërisë, duke eliminuar Partizanin, një nga eliminimet më të bujshme të viteve të fundit në këtë veprimtari.

Sa u përket çifteve të tjera, rezultatet e ndeshjeve të kthimit ishin Skënderbeu-Apolonia 3-0, Kukësi- Dinamo 0-0, Tirana- Luftëtari 1-0 dhe Bylis-Laçi 3-0, në grupin A. Ndërsa në grupin B të gjitha duelet ishin përballje midis skuadrave të Kategorisë Superiore dhe asaj Të Parë.

Dhe, në ndeshjet e kthimit u arritën rezultatet Teuta-Kastrioti 3-1, Vllaznia-Kamza 6-0 dhe Flamurtari-Tërbuni 2-0. Kështu, skuadrat që vazhdojnë më tej aventurën e tyre në çerekfinalen e Kupës së Shqipërisë janë Skënderbeu, Kukësi, Tirana, Laçi, Teuta, Vllaznia, Flamurtari dhe Besëlidhja.

Kupa e Shqipërisë

Turi i 16-shes:

Ndeshjet e kthimit të çerekfinaleve:

Grupi A

Skënderbeu – Apolonia                 (1-2)    3-0

Stadiumi “Skënderbeu”, Korçë

Kukësi – Dinamo                              (2-0)    0-0

Kompleksi “Internacional”, Pezë-Helmës

Tirana – Luftëtari                               (4-1)    1-0

Stadiumi “Roza Haxhiu”, Lushnjë

Laçi – Bylis                                         (1-1)    3-0

Stadiumi i Laçit

Grupi B

Partizani – Besëlidhja                      (0-1)    1-1

Drejtpërdrejt në Rrjetin e RTSH-së

Stadiumi “Elbasan Arena”, Elbasan

Teuta – Kastrioti                                (1-2)    3-1

Stadiumi “Niko Dovana”, Durrës

Vllaznia – Kamza                              (2-0)    6-0

Fusha Sportive “Reshit Rusi”, Shkodër

Flamurtari – Tërbuni                         (3-3)    2-0

Stadiumi “Ismail Xhemali”, Pukë

* Në kllapa është shënuar rezultati i ndeshjeve të para si dhe orari i ndeshjeve të kthimit.