ASNN – Ndonëse ishte një nga pretendentet për këtë trofe, Partizani është eliminuar sot nga Kupa e Shqipërisë përballë Besëlidhjes, në atë që një nga eliminimet më të bujshme të viteve të fundit në këtë veprimtari.

Të kuqtë kryeqytetas nuk kanë shkuar dot më larg se një barazim 1-1 në ndeshjen e kthimit, por janë lezhjanët që kalojnë më tej falë fitores minimale në shtëpi në ndeshjen e parë.

Besëlidhja e kishte fituar ndeshjen e luajtur para 3 javësh në fushën e vet, me një gol të vetëm. Sa u përket çifteve të tjera, rezultatet e ndeshjeve të kthimit ishin Skënderbeu-Apolonia 3-0, Kukësi- Dinamo 0-0, Tirana- Luftëtari 1-0 dhe Bylis-Laçi 3-0, në grupin A.

Ndërsa në grupin B, ku të gjitha duelet ishin përballje midis skuadrave të Kategorisë Superiore dhe asaj Të Parë, në ndeshjet e kthimit u arritën rezultatet Teuta-Kastrioti 3-1, Vllaznia-Kamza 6-0 dhe Flamurtari-Tërbuni 2-0.

Kështu, skuadrat që vazhdojnë më tej aventurën e tyre në çerekfinalen e Kupës së Shqipërisë janë Skënderbeu, Kukësi, Tirana, Laçi, Teuta, Vllaznia, Flamurtari dhe Besëlidhja.

Kupa e Shqipërisë

Turi i 16-shes:

Ndeshjet e kthimit të çerekfinaleve:

Grupi A

Skënderbeu – Apolonia                 (1-2)    3-0

Stadiumi “Skënderbeu”, Korçë

Kukësi – Dinamo                              (2-0)    0-0

Kompleksi “Internacional”, Pezë-Helmës

Tirana – Luftëtari                               (4-1)    1-0

Stadiumi “Roza Haxhiu”, Lushnjë

Laçi – Bylis                                         (1-1)    3-0

Stadiumi i Laçit

Grupi B

Partizani – Besëlidhja                      (0-1)    1-1

Drejtpërdrejt në Rrjetin e RTSH-së

Stadiumi “Elbasan Arena”, Elbasan

Teuta – Kastrioti                                (1-2)    3-1

Stadiumi “Niko Dovana”, Durrës

Vllaznia – Kamza                              (2-0)    6-0

Fusha Sportive “Reshit Rusi”, Shkodër

Flamurtari – Tërbuni                         (3-3)    2-0

Stadiumi “Ismail Xhemali”, Pukë

* Në kllapa është shënuar rezultati i ndeshjeve të para.