E verdhë dhe e kuqe për trajnerin Arben Sako, që në fundin e setit të dytë dhe fillimit të të tretit ka protestuar ndaj vendimit të anësorit Nurja dhe kryesorit Shehu. Farka Volej ia ka marrë dorën Studentit.
Pasi e ka mundur në gjysmëfinalen e Kupës së Federatës Shqiptare të Volejbollit, 3-1, ndërsa mund të quhej surprizë, e djeshmja në kampionat ka qenë një “leksion” për djemtë e Sakos.
Aq më tepër që “dëmi” vjen nga dy lojtarë që në Evropë do të jenë pjesë e Studentit si organizatori Deliu dhe shuteri Koçi, pa harruar dhe Qepën. Por Farka Volej, që prej vitesh luan me të njëjtin grup, teksa e ka marrë seriozisht këtë sezon, duket se nuk ka ndërmend të lëshojë ndaj askujt.
Dhe, një provë serioze për skuadrën e trajnerit Dritan Bardhi do të jetë përballja me Partizanin, teksa skuadra e homologut Ylli Tomori nuk ka asnjë humbje, të premten e ardhshme në Pallatin e Sportit “Asllan Rusi” në kryeqytet.
Kampionati Kombëtar
i Volejbollit – Meshkuj
Java e 7-të
(11-14 nëntor 2016)
Të premten:
Partizani – Erzeni 3-0
Të shtunën:
Skënderbeu – Vllaznia 0-3
Tirana – Elbasani 3-0
Të hënën:
Farka Volej – Studenti 3-0
Teuta pushim
Renditja
Nr. Skuadra N. F. H. Setet Pikë
- Partizani 6 6 0 18-1 18
- Farka Volej 6 5 1 16-5 15
- Tirana 7 4 3 15-10 12
- Vllaznia 6 4 2 13-8 12
- Studenti 6 4 2 12-10 11
- Erzeni 6 3 3 12-9 10
- Skënderbeu 7 1 6 3-19 3
- Teuta 6 1 5 5-17 2
- Elbasani 6 0 6 3-18 1
