Një duel i madh dhe i fortë është zhvilluar dje në Valencia, në garën e fundit të vitit 2016 për Kampionatin Botëror të Motoçiklizmit, mes Mark Markezit, Valentino Rosit dhe Andrea Ianones.
Në fund ka qenë një mision i përmbushur për Horge Lorencon, i cili duke qenë fitues dje në Valencia ka ruajtur kështu vendin e tretë në renditjen e përgjithshme të Kampionatit Botëror.
Madje ky ka qenë interesi i fundit në këtë garë, sepse titulli i kampionit të botës prej javësh ishte vendosur nga Mark Markez. Për Lorencon ky ishte suksesi i fundit si piloti i “Jamaha”-s, sepse më 2017-ën do të konkurrojë si pjesë e “Dukati”-t.
Spektaklin në “Rikardo Tormo” e kanë garantuar mbi të gjitha Rosi, Janone dhe Markez. Të shumta dhe spektakolare duelet për të siguruar ngjitjet në podium. Por duket se Markez nuk ka shumë motivim.
Dhe në gjysmën e garës tërhiqet nga konkurrenca dhe dëshira për ta fituar këtë garë të fundit të vitit në Kampionatin Botëror të Motoçiklizmit. Janone kalon Rosin dhe arrin ta mbajë me forcë vendin e tij të tretë në Valencia.

Çmimi i Madh i Valencias
Kampionatit Botëror të Motoçiklizmit
Moto GP – 2016

Rezultatet teknike të garës:

1) Horge Lorenco (Spanjë) Jamaha 45’54”228
2) Mark Markez (Spanjë) Honda + 1”185
3) Andrea Ianone (Itali) Dukati + 6”603
4) Valentino Rosi (Itali) Jamaha + 7”668
5) Maverik Vinales (Spanjë) Suzuki + 10”610
6) Pol Espargaro (Spanjë) Jamaha + 18”378
7) Andrea Doviciozo (Itali) Dukati + 18”417
8) Aleiks Espargaro (Spanjë) Suzuki + 18”678

Kampionati Botëror i Motoçiklizmit

Moto GP – 2016

Renditja përfundimtare e sezonit 2016-2017:

1) Mark Markez (Spanjë) Honda 298 pikë
2) Valentino Rosi (Itali) Jamaha 249 pikë
3) Horge Lorenco (Spanjë) Jamaha 233 pikë
4) Maverik Vinales (Spanjë) Suzuki 202 pikë
5) Andrea Doviciozo (Itali) Dukati 171 pikë
6) Daniel Pedroza (Spanjë) Honda 155 pikë
7) Kal Krutshlov (Britani e Madhe) Honda 141 pikë