Tirana në volejboll për meshkuj mund të konsiderohet skuadër “shtesash”, ndërsa në pikët shtesë me të njëjtin rezultat 28-26 ka fituar dy setet e para. Fakti që Elbasani ka bërë një ndeshje për t’u admiruar, atje ku Bakiri ka “fluturuar” në të gjitha anët për t’i dhënë pikët verdhebluve të Lushnjarit, e ka vënë në vështirë Tiranën. Me Ferhatin në ditën e tij jo të mirë, Tirana është pikë më pikë me Elbasanin.

Në setin e parë 8-7 për bardheblutë, 16-12. Barazon Elbasani 17-17, përsëri në epërsi Tirana 20-19. Përmbys Elbasani në 22-24 dhe 23-24. Është barazuar tre herë rezultati deri në 26-26 dhe në pikët e fundit fiton Tirana. E njëjta situatë në setin e dytë 9-4, 13-14, 15-16, 17-20, 20-22, 23-24 e pas barazimit përsëri fiton Tirana 28-26. I treti nuk ka më lëshime për bardheblutë, që fitojnë 25-12.

Por ky set sjell nervozizmin e Elbasanit me gjyqtarin Sojati, i cili ka ndëshkuar me karton të verdhë Agushin dhe më pas me karton të kuq Kallajxhiun. Për rrjedhojë ka pasur tensione në fund të ndeshjes, ku vetëm ndërhyrja e trajnerit Lushnjari dhe e policisë ka shmangur incidentet. Pikëshënuesi më i mirë i ndeshjes ishte Bakiri, i Elbasanit, me 18 pikë pasuar nga Gega, i Tiranës, me 13 pikë.

Pas tyre kanë qenë dhe Gaxiri, i Tiranës, me 11 pikë, si dhe Ndoni e Sotiri, të Tiranës, me 10 pikë. Në bllok ka dalë fitues Sotiri i Tiranës dhe Bakiri i Elbasanit, me nga 3 mure të sakta, kurse, në shërbim, Gega e Gaxiri, të Tiranës, me nga dy rezultativë. Në total, në 3 sete, Tirana ka shënuar 81 pikë, prej të cilave 59 pikë vetë.

Kurse 22 pikë kanë ardhur nga gabimet e Elbasanit. Në anën tjetër, Elbasani, në 3 sete, ka shënuar 64 pikë, prej të cilave 45 pikë vetë, kurse 19 pikë kanë ardhur nga gabimet e Tiranës.

Tirana – Elbasani                 3-0

(28-26, 28-26, 25-12)

Tirana: Ferhati, Gaxiri, Ndoni, Xhija, Joanidhi (L), Gega, Sotir / Peçi. Trajner: I. Koja

Elbasani: Çeta, Kallajxhiu, Gashi, Kasa, Bakiri, Agushi, Kaçubina (L) / Dulja. Trajner: F. Lushnjari

Gjyqtarë: V. Sojati, G. Pishtari (Tiranë)

Kampionati Kombëtar

i Volejbollit – Meshkuj

Java e 7-të

(11-14 nëntor 2016)

Të premten:

Partizani – Erzeni                3-0

Të shtunën:

Skënderbeu – Vllaznia       0-3

Tirana – Elbasani                3-0

Të hënën:

Farka Volej – Studenti        ora 16:00

Teuta                                      pushim

Renditja

Nr.       Skuadra         N.        F.         H.        Setet               Pikë

1. Partizani        6          6          0          18-1                18
2. Farka Volej    5          4          1          13-5                12
3. Tirana             7          4          3          15-10              12
4. Vllaznia         6          4          2          13-8                12
5. Studenti         5          4          1          12-7                11
6. Erzeni                        6          3          3          12-9                10
7. Skënderbeu  7          1          6            3-19                3
8. Teuta              6          1          5            5-17                2
9. Elbasani        6          0          6            3-18                1