ASNN – Skënderbeu, në futboll për femra, ka pësuar dje humbjen e dytë në tre javë kampionat, teksa, edhe pse ka luajtur përpara tifozërisë së vet, nuk ka mundur të ndalë Juban Danjën. Ndeshja ka nisur me rivalitet, madje kanë qenë korçaret që, me anë të Qoses dhe Qylalliut, falin në dy raste të pastra shënimi.

Në minutën e 17-të, pas një krosi nga krahu i djathtë, është Rripa që del e vetme përballë portës korçare dhe kalon mikeshat në epërsi. Pas këtij momenti sërish Skënderbeu ka pasur një rast të pastër për të shënuar golin e barazimit, por ky gol nuk vjen.

Në harkun e katër minutave të fundit të kësaj pjese të parë Rrotani shënon dy gola, kjo për “meritë” edhe të mbrojtjes korçare, që nuk ka reaguar aspak në dy kundërsulme radhazi. Në minutën e 41-të dhe në atë të 45-të, Rrotani do të shënonte dy herë dhe pjesa e parë është 0-3.

Në të dytën, falë edhe erës në favor, Skënderbeu vendës hidhet i gjithi në sulm, por është i paqartë përpara portës shkodrane. I vetmi gol do të vinte në minutën e 77-të, teksa Rafaela Zëre ekzekuton mjeshtërisht një goditje dënimi, duke e çuar rezultatin përfundimtar në 3-1 për miqtë.

Skënderbeu – Juban Danja                                               1-3

Shënues: Zëre 77’ / Rripa 17’, Rrotani 41’, 45’

Skënderbeu: M. Niçku, Shkëmbi, Kullira, Zizolli, Lulollari, Zere, Morava, Qose, Binjaku (Sula 69’, Bako 80’), Qylalli, J. Niçku. Trajner: S. Lako

Juban Danja: Muçejani, Rrotani, Jaku, Gega, Krasniqi, Thomaj, S. Haxhari, Jaku (Molla 65’), Rripa, Gerbeti (Lorja 75’), A. Haxhari. Trajner: E. Ndreka

Gjyqtarë: E. Rusta, E. Kume, M. Salla (Elbasan)

Karton i verdhë: Thomaj

Kampionati i 8-të Kombëtar

i Futbollit – Femra

Java e 3-të

(5-6 nëntor 2016)

Të shtunën:

Apolonia – AAS                                3-1

Tirana AS – Dajti                               8-1

Vllaznia – Kinostudio                       5-0

Teuta – The Door                              5-0

Të dielën:

Skënderbeu – Juban Danja                       1-3

Renditja

Nr.       Skuadra                     N.        F.         B.        H.        Gsh-Gp          Pikë

1. Vllaznia                     3          3          0          0          31-0                9
2. Apolonia                    3          3          0          0          15-1                9
3. Tirana AS                  3          2          1          0          19-2                7
4. Kinostudio                 3          2          0          1          31-5                6
5. Teuta                          3          1          1          1            7-7                4
6. Juban Danja             3          1          1          1            5-11              4
7. Skënderbeu              3          1          0          2            3-27              3
8. Akademia AAS         3          0          1          2            2-11              1
9. The Door                   3          0          0          3            0-22              0
10. Dajti 3          0          0          3            2-29              0