Federata Shqiptare e Volejbollit ka njoftuar se janë bërë ndryshime në kalendarin e kësaj jave së pari sepse ka nisur rikonstruksioni i Sallës Sportive “Fahrie Hoti” në kryeqytet e, së dyti, sepse në Pallatin e Sportit “Ramazan Njala” të Durrësit, nga data 4, deri më 6 nëntor 2016, do të zhvillohen Eliminatoret e Kampionatit Evropian të Pingpongut për meshkuj.

Për rrjedhojë të gjitha ndeshjet e të rinjve dhe të rejave parashikuar në sallën sportive “Fahrie Hoti” kanë kaluar në sallën Nr. 2 të Pallatit të Sportit “Asllan Rusi” në kryeqytet, kurse Erzeni dhe Teuta, që duhet të ishin pritës, këtë herë do të jenë në fushë të huaj për të qenë ndryshe në fazën e dytë. E megjithatë, ajo që është e rëndësishme është fakti se kryendeshja e volejbollit të meshkujve, Studenti-Partizani do të jetë të premten në ekranin e RTSH-së.

Kampionati Kombëtar

i Volejbollit – Meshkuj

Ndryshimet e reja në kalendarin e javës:

Të premten:

Studenti – Partizani                          ora 17:00

Pallati i Sportit “Asllan Rusi”, Tiranë

Të shtunën:

Skënderbeu – Erzeni                       ora 11:00

Pallati i Sportit “Tamara Nikolla”, Korçë

Kampionati Kombëtar

i Volejbollit – Femra

Grupi A1

Të shtunën:

Lushnja – Teuta                               ora 13:00

Palestra e Krutjes

Kampionati Kombëtar

i Volejbollit – Të Reja

Të dielën:

Tirana – Besëlidhja                         ora 11:00

Salla nr. 2, Pallati i Sportit “Asllan Rusi”, Tiranë

Skënderbeu – Erzeni                      ora 12:00

Pallati i Sportit “Tamara Nikolla”, Korçë

Kampionati Kombëtar

i Volejbollit – Të Rinj

Të shtunën:

Elbasani – Teuta                              ora 19:00

Pallati i Sportit “Tomorr Sinani”, Elbasan

Të dielën:

Farka Volej – Skënderbeu             ora 13:00

Salla nr. 2, Pallati i Sportit “Asllan Rusi”, Tiranë

Tirana – Apolonia                            ora 15:00

Salla nr. 2, Pallati i Sportit “Asllan Rusi”, Tiranë