Sipas Sekretarit të Përgjithshëm të saj, Ndriçim Spahiut, të shtunën, Federata Shqiptare e Mundjes do të shpallë kampionët e të rinjve.

Ashtu sikurse është paralajmëruar dhe ditë më parë nga “Sport Ekspres”, ky kampionat do të zhvillohet në sallën kryesore të Pallatit të Sportit “Asllan Rusi” duke nisur nga ora 09:00-14:00.

Në ora 12;30, gjithnjë sipas Spahiut, do të mbahet ceremonia e hapjes së aktivitetit, ndërsa kampionati i të rinjve në mundje do të transmetohet direkt nga “TeleSport”-i.

E në nëntor, mbyllja e veprimtarive kombëtare për vitin 2016 do të bëhet me Kampionatin Kombëtar të Mundjes për Të Rritur.