Tiranës në volejboll për femra i kanë shkuar “djersë të ftohta” me Lushnjën, që jo vetëm ka fituar setin e parë, por dhe në tre të tjerët ka bërë rezistencë. Madje në setin e katërt ka pasur dhe debate me verdhejeshilëve dhe gjyqtarit kryesor, Roland Mujo, për një bllok të myzeqareve topi i të cilave ka qenë brenda fushës së Tiranës. Por që për gjyqtarin ka qenë jashtë.

Sidoqoftë, Lushnja e ka nisur shpejt ndeshjen, ndërsa në setin e parë ka kryesuar vazhdimisht 6-8, 14-16, 16-19, 18-21 dhe në fund 21-25. Vetëm pas shkundjes së fortë të Gorenxës ndaj të tijave, Tirana reagon. Dhe në të dytin kryeson 8-5, 15-10, 16-10, 25-16. I treti sa e hap e mbyll sytë ka përfunduar për Tiranën, 25-13. E po kështu dhe i 4-ti, 25-18 dhe krejt ndeshja 3-1 për bardheblutë, që korrin fitoren e dytë të kampionatit.

Pikëshënuesja më e mirë Paloka (Shkurti) e Tiranës dhe Xhyliu e Lushnjës me 16 pikë ndjekur nga Agolli e Tiranës me 14 pikë, Xhixha me 11 pikë e Kushi me 10 pikë. Në bllok ka dalë fituese Kushi me 3 mure të suksesshme, kurse në shërbim Llupo e Lushnjës me 3 rezultative ndjekur nga Paloka (Shkurti) e Tiranës dhe E. Gjermeni e Lushnjës me 3 të tilla.

Në total, në 4 sete Tirana ka shënuar 96 pikë prej të cilave 76 pikë vetë, kurse 20 pikë kanë ardhur nga gabimet e Lushnjës. Në anën tjetër, Lushnja në 4 sete ka realizuar në total 72 pikë, prej të cilave 45 pikë vetë, kurse 27 pikë kanë ardhur nga gabimet e bardhebluve, që kështu kanë pasur sukses të vështirë.

Tirana – Lushnja                   3-1

(21-25, 25-16, 25-13, 25-18)

Tirana: Kokonozi (Hoxha), Paloka (Shkurti), Gjokutaj (Sallaku), Sejfullai (L), Xhixha, Kushi, Agolli / Hoxha, Shira, Meta. Trajner: A. Gorenxa

Lushnja: J. Gjermeni, Xhyliu, E. Gjermeni, Sema, Xhogu, Llupo, Gjika (L) / Nexhipi. Trajnere: E. Allkanjari

Gjyqtarë: R. Mujo, B. Gjuzi (Tiranë)

Kampionati Kombëtar

i Volejbollit – Femra

Grupi A1

Java e 4-t:

(22 tetor 2016)

Vllaznia – Partizani                         3-2

Tirana – Lushnja                              3-1

Skënderbeu – Barleti Volej                        0-3

Teuta – Elbasani                              3-0

Renditja

Nr.       Skuadra         N.        F.         H.        Setet               Pikë

1. Barleti Volej   4          4          0          12-0                12
2. Teuta              4          4          0          12-2                11
3. Vllaznia         4          3          1            9-8                  7
4. Partizani        4          2          2           8-7                  7
5. Tirana             4          2          2            8-7                  7
6. Skënderbeu  4          1          3          5-10                  4
7. Lushnja         4          0          4          3-12                  0
8. Elbasani        4          0          4          1-12                  0