ASNN – Ndeshje dramatike deri në fund, e bukur dhe me rivalitet ka qenë ajo e djeshmja në Korçë mes Skënderbeut dhe Teutës në volejboll për meshkuj, por që në fund fitohet nga vendësit 3-1, që festojnë tre pikët e para të sezonit. Sigurisht që, duke parë edhe kundërshtarin, takimi i djeshëm ishte vlerësuar maksimalisht nga ana e korçarëve të drejtuar nga trajneri Arben Prifti.
Të 4 setet e takimit kanë qenë të bukura deri në pikët e fundit, por që më të saktë janë treguar vendasit. Ata kryesojnë vazhdimisht në setin e parë 10-8, 15-13, apo edhe 20-19. Në fund të setit fitojnë vendësit 25-23. Seti i dytë ka të njëjtën pamje ku Skënderbeu kryeson 10-6, 14-12 dhe 20-16, ndërkohë që seti mbyllet 25-20. U duk se gjithçka do të mbyllej shpejt me një fitore të pastër, por seti i tretë ka qenë dramatik.
Pothuajse gjatë gjithë këtij seti rezultati barazohet herë pas herë, madje deri në pikët 25-25, ndërsa janë kërkuar pikët shtesë, atje ku ka fituar Teuta 27-25. Pritej që durrsakët të reagonin për të barazuar rezultatin, por që në fakt janë korçarët që nuk falin në setin e katërt duke e fituar atë 25-19 dhe duke mbyllur krejt ndeshjen 3-1 e zhvilluar në Korçë.
Skënderbeu – Teuta 3-1
(25-23, 25-20, 25-27, 25-19)
Skënderbeu: Musaka, Haxhillari, Caci, Ndardhari, Toska, Pira, Shishi (L), Lumani (L) / Dragoi, Shëllira, Dhimitri, Çercizi. Trajner: A. Prifti
Teuta: Biduli, Kolea, Xhafa, Bushpepa, Jazexhi, Bardhi, Macaj (L) / Cuci, Masha, Gjeci. Trajner: L. Marangoni
Gjyqtarë: A. Shehu, E. Dusha (Tiranë)
Kampionati Kombëtar
i Volejbollit – Meshkuj
Java e 4-t
(22 tetor 2016)
Erzeni – Tirana 1-3
Skënderbeu – Teuta 3-1
Vllaznia – Farka Volej 3-1
Elbasani – Partizani 0-3
Studenti pushim
Renditja
Nr. Skuadra N. F. H. Setet Pikë
- Partizani 4 4 0 12-1 12
- Studenti 3 3 0 9-2 9
- Farka Volej 4 3 1 10-5 9
- Erzeni 3 2 1 7-3 6
- Tirana 4 2 2 8-7 6
- Vllaznia 3 1 2 4-7 3
- Skënderbeu 4 1 3 3-10 3
- Elbasani 3 0 3 1-9 0
- Teuta 4 0 4 2-12 0
