Atletika shqiptare dje ka qenë në zi, ndërsa është ndarë nga jeta pas një sëmundjeje të rëndë hedhësi i shtizës, rekordmeni dhe kampioni Sugar Ahmeti.

Sugar Ahmeti ka lindur në Kukës, ndërsa shkollën e mesme e ka kryer në vitin 1978 në Mjeshtërinë Sportive në Tiranë.

E pati arritur këtë bursë falë talentin e hedhjen e shtizës, ndërsa ka dalë disa herë kampion i Shqipërisë për të rinj e për të rritur.

Për t’u evidentuar është Medalja e Artë, që ai ka fituar në Spartakiadën Kombëtare më 1979.

Federata Shqiptare e Atletikës do ta nderojë me titullin “Nderi i Atletikës Shqiptare”, ndërsa merr pjesë në hidhërimin e familjes Ahmeti e nën emrin e presidentit Gjergji Ruli i shpreh ngushëllimet asaj për këtë ndarje të parakohshme nga jeta të Sugarit.