ASNN – Pasi ka luajtur të premten ndeshjen e parë, ku Partizani ka shkëlqyer, teksa ka fituar pastër në fushën e vet me Vllazninë, 3-0, në një ndeshje që është luajtur në sallën Nr. 2 të Pallatit të Sportit “Asllan Rusi” në kryeqytet, por që ka pasur shumë shikues, të Kampionati Kombëtar i Volejbollit për Meshkuj i ka luajtur të shtunën 3 takimet e tjera të javën së 3-të të tij.

Në kryeqytet, Studentit ka vuajtur për të mundur Elbasanin në 4 sete. Me vetëm 6 lojtarë, por me tre pika shumë të forta në sulm si Agushi, Bakiri e Gashi, gjithnjë nën dirigjimin e Kallajxhiut, skuadra e trajnerit Fisnik Lushnjari duhet të kishte marrë më shumë se sa një set, atë të parin 23-25.  Por vetëm kaq, sepse më pas Studenti merr reagon dhe diferencat janë të dukshme teksa ka marrë 3 sete radhazi, duke fituar 3-1.

Ndërkohë, Farka Volej nuk di të ndalet, ndërsa ka fituar edhe në javën e tretë në Sallën Sportive “Fahrie Hoti” në kryeqytet, duke mundur Skënderbeun, thellësisht 3-0. Skuadra korçare është munduar të rivalizojë të paktën deri në pikët e para të setit.  Por Farka Volej ka fituar pastër 3-0, duke i marrë setet përkatësisht 25-19, 25-20, 25-19 dhe duke qenë midis treshes kryesuese të kampionatit.

Në takimin e fundit të kësaj jave, atë që u luajt në Pallatin e Sportit “Ramazan Njala” të Durrësit, Tirana ka fituar në 3 sete ndaj Teutës vendase, duke gjetur fitoren e parë në këtë sezon. Për efekt kalendari, Erzeni ishte pushim këtë javë, ndërsa Partizani, Farka Volej dhe Studenti kryesojnë renditjen me pikë të plota, 9, pas 3 ndeshjeve të para. Shijakasit mbajnë vendin e 4-t, me 6 pikë, por kanë luajtur një ndeshje më pak.

Kampionatit Kombëtar

i Volejbollit – Meshkuj

Java e 3-të

(14-15 tetor 2016)

Të premten:

Partizani – Vllaznia             3-0

Të shtunën:

Farka Volej – Skënderbeu 3-0

Studenti – Elbasani             3-1

Teuta – Tirana                      0-3

Erzeni                                                pushim

Renditja                                 

Nr.       Skuadra         N.        F.         H.        Setet               Pikë

1. Partizani        3          3          0          9-1                  9
2. Farka Volej    3          3          0          9-2                  9
3. Studenti         3          3          0          9-2                  9
4. Erzeni                        2          2          0          6-0                  6
5. Tirana             3          1          2          5-6                  3
6. Elbasani        2          0          2          1-6                  0
7. Vllaznia         2          0          2          1-6                  0
8. Teuta              3          0          3          1-9                  0
9. Skënderbeu  3          0          3          0-9                  0