Rrëfimi i presidentit të Komitetit Olimpik Kombëtar Shqiptar: “Elez Gjoza do të më marrë postin e së bashku me Gudar Beqirajn dhe Tan Shytin kanë gatuar këtë fushatë…” “Fiks Fare”, emisioni investigativ i Televizionit “Top Channel”, i ka shpërthyer edhe një herë skandalet e delegacionit shqiptar pjesëmarrës në Lojërat Olimpike “Rio de Zhaneiro 2016”.
Pikërisht “Fiks Fare” është marrë me delegacionin që përfaqësoi Shqipërinë në olimpiadën e Rio 2016, i cili pati shumë probleme, që nga mosregjistrimi i sportistëve në garë deri tek mungesa e kostumeve. Gjithçka duket se ndodhi për shkak të përplasjes së kreut të KOKSH-it me kreun e federatës së peshëngritjes, pasi që të dy duket se do të garojnë në zgjedhjet për kreun e KOKSH-it.
Por dhe pse ka përfunduar, ndërsa në konferencën për shtyp të 16 shtatorit, Bezhani ka qenë i qetë dhe nuk ka akuzuar askënd, ajo la pas shumë skandale për drejtuesit dhe sportistët shqiptarë. Fiks Fare sjell problemet e delegacionit nga mungesa e parakalimit të peshëngritëses Evagjeli Veli për mungesë kostumi, tek debatet mes Briken Çaljes dhe Viron Bezhanit për bursën e deri te mosregjistrimi në garë i notarit Sidni Hoxha.
Gazetarët pritën ekipin në Rinas, ndërsa stafi pranoi se kishte bërë edhe pushime. Ata thanë se ekipi ishte kompakt, por gjatë një bisede me kamera të fshehtë me presidentin e KOKSH, Viron Bezhani, dolën në pah shumë prej skandaleve.
