ASNN – Të dielën janë luajtur edhe ndeshjet e javës së 5-të në dy grupet e Kategorisë së Parë. Në këtë Kategori, spikat fakti se një nga 5 ndeshjet e grupit A dhe 2 nga 4 ndeshjet e grupit B, nuk janë zhvilluar. Në grupin A kryeson i vetëm me 10 pikë Burreli, që mundi Kukësin, ndërsa Porto ka mbetur prapa, pasi u mund në shtëpi, 1-2 nga FC Term.
Ndërsa në grupin e Jugut kryeson Vlora dhe Akademia e Futbollit “Dinamo”, me nga 9 pikë të grumbulluara në këtë fillim-sezoni, ku moszhvillimi i ndeshjeve duket se mbeten problem. Blutë kryeqytetas fituan 2-0 në Vlorë për t’i bashkangjitur kreut. Ndërkaq, Burreli ka shkëlqyer në ndeshjen me Kukësin, të cilën e ka fituar, ndërsa kështu është ngjitur në krye të grupit A të Kategorisë së Parë.
Matjanët e Besnik Beqirit e kanë dominuar ndeshjen nga fillimi deri në fund. Luajtën thjeshtë, bukur dhe patën raste të shumta shënimi. Kurbneshi, Canameti, Pasha, Cevani u bënë protagonistë të rasteve të shumta, ndërkohë që kukësianët u mbrojtën me të gjitha forcat. Në minutën e 32-të, Canameti humb një 11-metërsh. Pjesa e dytë bëhet më e bukur. Skuadra e Beqirit shënon dy gola. Në të 62-n, Kurbneshi, jo vetëm pengohet, por dëmtohet brenda zonës së Kukësit.
Kryesori Jubani që ndiqte nga afër aksionin e vendasve akordon 11-metërshin e dytë. Gjuan tokas Kurbneshi dhe shënon. Vetëm një minutë më vonë është Canameti, që jo vetëm shlyen gabimin e 11-metërshit të parë të humbur, por ndërmerr një aksion personal nga mesfusha, hyn në zonë dhe gjuan saktë. Burreli 2 e Kukësi 0 dhe këtu ka përfunduar kjo ndeshje.
Burreli – Kukësi 2-0
Shënues: Kurbneshi 62’(11-m.), Canameti 63’
Burreli: Kaca, Beqiri, Dervishi, Barçi, Milkurti, Salaj, Gasa, Allamani, Cevani, Gjonaj, Canameti Trajner: Besnik Beqiri U aktivizuan: Rama, Pasha, Kola, Neziri
Kukësi: Basha, D. Domi, Beshiri, F. Domi, L. Kovaçi, Belaj, Shahu, Gjermizi, L. Kovaçi, Cena, Dogjani Trajner: A.Belaj U aktivizuan: Uka, A. Elezaj, Sopaj, Braho
Gjyqtarë: L.Jubani, J.Podgorica, G.Shema (Shkodër)
Kampionati Kombëtar i Futbollit për
Grupmoshën e Nën-17-vjeçarëve
Kategoria e Parë
Grupi A
Java e 5-të
(2-3 nëntor 2014)
Kastrioti – Besëlidhja 1-0
Porto – FC Term 1-2
Burreli – Kukësi 2-0
Shkëndija B Tiranë – Internacional (sot)
Skampini – Shkodra (nuk u zhvillua)
Renditja
Nr. Skuadra N. F. B. H. Gsh-Gp Pikë
- Burreli 5 3 1 1 9-6 10
- Porto 4 2 1 1 8-4 7
- Kukësi 4 2 1 1 5-4 7
- Internacional 3 2 0 1 6-1 6
- FC Term 5 3 0 2 9-6 6
- Shkëndija B Tiranë 3 2 0 1 6-4 6
- Besëlidhja 4 2 0 2 6-5 6
- Shkodra 4 2 0 2 7-9 6
- Vllaznimi 4 0 1 3 2-9 1
- Kastrioti 5 1 0 4 2-9 0
- Skampini 3 0 0 3 0-9 0
Grupi B
Java e 5-të
(2 nëntor 2014)
Luftëtari – Apolonia 2-0
Vlora – AF Dinamo 0-2
Shkumbini – Tirana B (nuk u zhvillua)
Bylis – Butrinti (nuk u zhvillua)
Tomori pushim
Renditja
Nr. Skuadra N. F. B. H. Gsh-Gp Pikë
- Vlora 4 3 0 1 9-2 9
- AF Dinamo 4 3 0 1 4-2 9
- Apolonia 4 2 1 1 5-3 7
- Butrinti 3 2 0 1 4-3 6
- Tomori 4 1 1 2 4-4 4
- Tirana B 4 2 1 2 5-6 4
- Luftëtari 5 1 1 3 5-8 1
- Bylis 2 0 0 2 0-6 0
- Shkumbini 2 0 0 2 0-6 -3
