ASNN – Skënderbeu, që sezonin e kaluar në volejboll për femra e mbylli në vendin e tretë, këtë sezon duket se e ka të vështirë të rivalizojë. Sepse nuk e ka grupin e vitit të kaluar dhe me tre largime, ndërsa mosha mesatare e skuadrës është shumë e re, për Skënderbeun gjithnjë do të ketë probleme. E për rrjedhojë Vllaznia ka bërë surprizën e parë kur ka fituar dje në Korçë 2-3.

Seti i parë u fitua nga vendëset në pikët shtesë. 4-4 kanë qenë pikët e para, ndërkohë që Skënderbeu kryeson për herë të parë në rezultatin 8-7. Shifrat barazohen 11-11, ndërkohë që vendaset krijojnë një shkëputje në pikët e fundit teksa tabela shënon 22-18. Por zgjohet Vllaznia që barazon në 23-23, 24-24 dhe në fund 26-24 për Skënderbeun.

Vllaznia e nis mirë setin e dytë dhe shkëputet qysh në fillim. 0-3, 2-8 dhe 4-11 ishin disa nga fragmentet e këtij seti, teksa shkodranet shkëputen deri në 9-18. Korçaret kujtohen vonë dhe seti i dytë mbyllet 18-25 për Vllazninë. Seti i tretë ka folur totalisht për mikeshat që nuk e kanë problem ta fitojnë pasi shkëputen vazhdimisht 2-9, 8-17 dhe 15-25.

Seti i katërt ka kthyer kah, teksa shkodranet nuk kanë pasur forca ta mbyllin 1-3 dhe kanë gabuar shumë në këtë set të katërt. Vendaset kryesojnë 10-7 dhe kjo diferencë pikësh ruhet deri te pika e 15-të. Më pas Skënderbeu shkëputet dhe e fiton setin 25-19. Në setin final, gjithçka është për Vllazninë, e cila ruan gjakftohtësinë dhe fiton 12-15 dhe krejt ndeshjen 2-3.

Skënderbeu – Vllaznia                    2-3

(26-24, 18-25, 15-25, 25-19, 12-15)

Skënderbeu: Shahu, Grabocka, Beshiri, Dallas, Mujo, Demiraj, Busho(L) / Nastas, Potomi, Kapedani, Jatagani, Xhevat. Trajnere: T. Marash

Vllaznia: Qershia, Koçeku, Sh. Molla, Zhivani, Picaku, Peteza, Vistaraj (L), Kiri (L) / A. Molla, Dodani, Çulaj, Gjethinaj. Trajnere: S. Goga

Gjyqtarë: R. Mujo, E. Zenullari (Tiranë)

Kampionati Kombëtar

i Volejbollit – Femra

Grupi A1

Java e parë

(1 tetor 2016)

Të shtunën:

Skënderbeu – Vllaznia       2-3

Teuta – Tirana                      3-2

Elbasani – Partizani                        0-3

Barleti Volej – Lushnja        3-0

Renditja

Nr.       Skuadra         N.        F.         H.        Setet               Pikë

1. Barleti Volej   1          1          0          3-0                  3
2. Partizani        1          1          0          3-0                  3
3. Teuta              1          1          0          3-2                  2
4. Vllaznia         1          1          0          3-2                  2
5. Skënderbeu  1          0          1          2-3                  1
6. Tirana             1          0          1          2-3                  1
7. Elbasani        1          0          1          0-3                  0
8. Lushnja                     0          1          0-3                  0