ASNN – Janë luajtur dje ndeshjet e javës së 5-të edhe në grupin B të Kategorisë së Dytë të Kampionatit Kombëtar të Futbollit dhe Turbina ka përfituar më së miri nga frenimi pa gola i Gramshit në Tepelenë, duke mundur në shtëpi Këlcyrën me rezultatin 2-0 dhe duke iu bashkangjitur kreut.

Në fakt, Turbina ka triumfuar në Fushën Sportive “Nexhip Trungu” mes humorit dhe emocioneve. Cërrikasit kanë mposhtur Këlcyrën me rezultatin 2-0 dhe duket se fatsjellësi për vendësit ishte një qen që hyri në fushë. Në mesin e pjesës së parë një qen hyn në fushë, duke shkaktuar mjaft ilaritet tek të pranishmit.

Qeni ndiqte topin ngado që ai shkonte, duke ndërprerë lojën për rreth 5 minuta. U desh ndërhyrja e vetë futbollistëve që qeni të largohej nga fusha. Duhet theksuar se edhe para pak javësh, një gjel i futur në fushë, u solli fat vendasve. Tepelena dhe Gramshi kanë ndarë nga një pikë në ndeshjen e djeshme, por, pavarsisht kësaj, miqtë vazhdojnë të kryesojnë Grupin B.

Ndërsa Tepelena renditet në vendin e 7-të. Ndërkohë, sfida e djeshme ka nisur me 30 minuta vonesë, për shkak se gjyqtarët e takimit kanë pësuar një aksident të lehtë gjatë rrugës për në Përmet, por fatmirësisht pa pasoja. Në këtë mënyrë, ata janë vonuar paksa për të mbërritur në destinacion.

Sa i përket sfidës, ajo ka pasur dy tablo, ku në pjesën e parë janë vendësit, ata të cilët dominuan dhe arritën të shënonin dy herë, por në pjesën e dytë, gjithçka do të barazohet. Pas fitores javën e kaluar në Këlcyrë, dje Egnatia mundi edhe Delvinën me rezultatin 2-1.

Së fundi, Himara ka vazhduar serinë pozitive në fushën e vet, ku ka mundur Gramozin 3-0.

Kategoria e Dytë

Grupi B

Java e 5-të

(2 nëntor 2014)

Himara – Gramozi                3-0

Memaliaj – Bilisht Sporti     1-0

Përmeti – Orikumi                2-2

Tepelena – Gramshi            0-0

Egnatia – Delvina                2-1

Turbina – Këlcyra                2-0

Renditja

Nr.       Skuadra         N.        F.         B.        H.        Gsh-Gp          Pikë

1. Gramshi 5          3          2          0          10-1                11
2. Turbina 5          3          2          0          7-1                11
3. Himara 5          3          1          1          9-6                10
4. Memaliaj 5          3          0          2          9-5                9
5. Egnatia 5          3          0          2          5-5                9
6. Orikumi 5          2          1          2          6-8                7
7. Tepelena 5          1          3          1          10-10              6
8. Këlcyra 5          2          0          3          4-9                6
9. Gramozi 5          1          2          2          4-7                5
10. Bilisht Sporti 5 1          1          3          4-5                4
11. Delvina 5          1          0          4          4-7                3
12. Përmeti 5          0          2          3          6-14              2