Kampionet, tashmë pa Bicin e Thakën, e kanë pasur të vështirë nisjen me durrsakët e më pas kanë shpërthyer duke u kthyer në “origjinën” e lojës së tyre. Në gjysmëfinalen e parë, Teuta shfaqet e fortë në shërbim, në goditje në të gjithë gjatësinë e vijës së parë, sepse nën organizimin e Gashit, Matoshi e Guza, por dhe Rexhepi e më pas Begiçi arrijnë të vendosin nën presion skuadrën “kampione”.
Nis seti i parë i parë me epërsinë 1-4 të Teutës. Në pushimin e parë teknik Barleti Volej është në epërsi 8-7. Por kthen skuadra durrsake e cila kryeson 9-12, 13-16, 18-20 dhe në fund 19-25. Edhe i dyti ka nisur me epërsinë e Teutës, 3-0. Përmbys Barleti Volej 8-7, 10-7, 16-11, 17-12, 17-15 dhe në fund 25-21. Lirohen kampionët, durrsaket kanë një ngërç psikologjik, aq sa u mungon dëshira për të luajtur në nivelin e setit të parë.
8-1, 13-5, 16-5 dhe i treti përfundon 25-10. Në të katërtin i njëjti ritëm që ka përfundimin 25-8. Pikëshënuesja më e mirë e ndeshjes Bego me 17 pikë e ndjekur nga Braho e Barleti Volejit me 14 pikë, si dhe Begiçi me 10 pikë. Në bllok ka dalë fitues Hasku e Barleti Volejit me 4 mure fituese, si dhe Picaku i Barletit Volejit me 3 mure fituese. Në shërbim ka dalë fituese Xheka e Barletit Volejit, me 7 shërbime rezultateve.
Ajo është pasuar nga Braho e Barletit Volejit, me 4 shërbime rezultative. Në total, në 4 sete, Barleti Voleji ka shënuar 94 pikë, prej të cilave 72 pikë vetë, kurse 22 pikë kanë ardhur nga gabimet e Teutës. Në anën tjetër, Teuta, në 4 sete, ka shënuar 64 pikë prej të cilave 40 pikë vetë, kurse 24 pikë kanë ardhur nga gabimet e kampioneve, që më së shumti kanë gabuar në setin e parë.

Barleti Volej – Teuta 3-1
(19-25, 25-21, 25-10, 25-8)
Barleti Volej: Braho, Xheka, Tuci, Picaku, Bego, Hasku, Fagu (L) / Brati, Ligaj, Xhelilaj. Trajner: H. Gurabardhi
Teuta: Begiçi, Matoshi, Gashi, Guza, Rexhepi, Avdyli / Disha. Trajner: E. Jazenxhiu
Gjyqtarë: R. Omari, K. Agolli (Tiranë)

Kupa e Federatës Shqiptare të Volejbollit

Kalendari i Femrave:

Gjysmëfinalet:

23 shtator 2016:
Barleti Volej – Teuta 3-1
(19-25, 25-21, 25-10, 25-8)

Tirana – Skënderbeu 3-0
(25-9, 25-12, 25-20)

Finalja

25 shtator 2016:
Barleti Volej – Tirana ora 17:00